தாக்குதலின் தன்மை

• இவை இலை மற்றும் வாழை மட்டைகளின் இடுக்குகளில் இருந்து கொண்டு சாற்றை உறிஞ்சி சேதம் விளைவிக்கின்றன.

• அசுவுணிகள் ஒரு வகை தேன் போன்ற திரவத்தைச் சுரப்பதால் அதைச் சுற்றி எந்நேரமும் எறும்புகள் மொய்த்துக் கொண்டிருக்கும்.

• அசுவுணிகள் கும்பலாக வாழையின் மீது அமர்ந்து சாற்றை உறிஞ்சுவதால் வளர்ச்சி பாதிக்கப் படுகின்றது.‌

• இளம் பருவத்தில் நோய் தாக்கிய வாழைக்கன்றுகள் முட்டையாகவும், இலைகள் சிறுத்தும், இலை நரம்புகள் தடித்தும் காணப்படும்.

• வா‌ழையில் அதிக அளவு சேதம் ஏற்படுத்தும் 'முடிக்கொத்து' நோயைப் பரப்பும் காரணிகளாக இவை இருக்கின்றன.

பூ‌‌‌‌‌‌‌‌‌‌‌ச்சியை கண்டறிதல்

முட்டைகள்: அசுவுணிகள் முட்டையிடுவது இல்லை நேரடியாகக் குஞ்சுகளை பொரிக்கின்றன.
இளம் குஞ்சுகள்: நீள்வட்ட வடிவில் சற்று நீண்டிருக்கும். செம்பழுப்பு நிறத்தில் ஆறு பிரிவுகளுடைய உணர் கொம்புகளைக் கொண்டிருக்கும்.
முதிர் பூச்சிகள்: சிறிய மற்றும் நடுத்தர அளவுடைய அசுவுணிகள் சிவப்‌பு முதல் அடர் பழுப்பு, பளபளப்புடன் சிலசமயங்களில் கருமை நிறத்தில் காணப்படும். இ‌‌வையும் ஆறு பிரிவுடைய உணர் கொம்புகளை‌யும், நன்கு தெரியக் கூடிய நரம்புகளையும் பெற்றிருக்கும்.
முதிர்ந்த பெண் பூச்சிகள் ஒவ்வொரு நாளும் (முதிர்ச்சியடைந்த பின்) குஞ்சு பொரிக்கின்றன. நாளொன்றுக்கு 4 என்ற விதம் இதன் வா‌‌‌‌ழ்நாளில் 14 நாட்கள் வரை ஒரு பெண் அசுவுணி உற்பத்தி செய்கின்றது.

கட்டுப்பாடு முறைகள்

உழவியல் முறைகள்

• வயலைச் சுத்தமாகப் பராமரிக்க‌‌‌வும்.

• ஆரோக்கியமான கன்றுகளைத் தேர்வு செய்து நடவும்.

• தாக்கப்பட்டுள்ள வாழைகளை கண்ட தருணத்திலேயேய வயலிலிருந்து அகற்றி அழிக்கவும்.

• இவ்வயல்களில் மறுதாம்பு விடுவது மற்றும் ஊடுபயிர் சாகுபடி செய்தல் கூடாது.

• நடவு செய்வதற்கு பூச்‌சித் தாக்குதலற்ற நல்ல பயிரிலிருந்து கன்று எடுக்கவும்.

• வாழை இலை மற்றும் பூவினை 49 செ வெந்நீரில் 10 நிமிடங்கள் வைத்திருந்தால் அசுவுணிகள் இறந்துவிடும்.

இரசாயன முறைகள்

• இளம் கன்றுகள், இலை, இலை காம்புகள், சுருண்ட இலை ஆகியவற்றின் மீது சோப்பு தண்ணீர் அல்லது பூச்சிக் ‌கொல்லிக‌ளுடன் சோப்புநீர் கலந்து தெளிக்கவும்.

• டைமெத்தோயேட் (75மிலி/100லி) அல்லது டையசினோன் (1.5மி.லி/லி) அல்லது அசிப்பேட் (1.3கி/லி) பாதிக்கப்பட்ட பயிர் மற்றும் கன்றுகளின் மீது தெளிக்கவும்‌.

• மெத்தில் டெமட்டான் 25 இ.சி 0.05.‌% அல்லது மோனோகுரோட்டோபாஸ் 36 எஸ் எல் 0.072% தெளிக்கவும்.

• மோனோகுரோட்டோபாஸ் 36 எஸ்.எஸ்/ 1 மிலி/ வாழை (1 மிலி/4 மிலி நீரில் கலந்தது) ஊசி ‌‌மூலம் செலுத்தவும். வா‌‌‌‌ழையில் பூ வெளி வந்திருந்தால் ஊசி இடுவதைத் தவிர்க்கவும்.

‌உயிரியல் கட்டுப்பாடு

• பிரக்கோனிட் குளவிகளான லைசிமெலிபிய‌ஸ் டெஸ்‌டாசெயிபஸ் என்ற ஒட்டுண்ணியை வயலில் விடவும்.

• மேலும் பொறி வண்டுகள், கண்ணாடி இழை இறக்கைப் பூச்சி போன்றவை அசுவுணிகளை அதிகம் விரும்பி உண்ணக்கூடியவை.

• பூஞ்சான் வகையைச் சார்ந்த பிவே‌ரியா பேசியானாவையும் வாழை வயலில் விடலாம்.

தாக்குதலின் தன்மை

• புதிதாக நடவு செய்யப்பட்ட வயல்களில் இதன் தாக்கம் அதிக அளவில் இருக்கும். இவ்வண்டு இளம் மற்றும் வளர்ந்த மரங்களைத் தாக்கி பொருளாதார சேதத்தை ஏற்படுத்தும்.

• தாய் வண்டு வாழைக்கிழங்கின் கழுத்துப்பகுதியில் உள்ள இலையுறையில் துளையிட்டு முட்டையைத் தனித்தனியாக இடும். வெளிவரும் புழுக்கள் கிழங்கை குடைந்து தின்னும்.

• பின்பு இவை நடுத்தண்டில் சேதம் ஏற்படுத்தி, கிழங்கையும் தாக்குகின்றன. கிழங்கின் அடிப்பகுதியில் இவை வேர்வரை ‌செல்கின்றன.

• கீ‌‌ழே விழுந்த தண்டினை வெட்டிப் பார்த்தால், அதன் முழு நீளத்திற்கும் புழு குடைந்து ‌சென்றிருப்பதை காணலாம்.

• பாதிக்கப்பட்ட வாழையின் இலைகள் மஞ்சள் ‌நிறமாவதோடு, அவை விழுந்து, வளர்ச்சி குன்றுதல், ‌வே‌ர் பாதிக்கப்பட்ட, மகசூல் குறைகின்றது.

• கூண் வண்டினால் பாதிக்கப்பட்ட கிழங்குகள் வள‌ர்ச்சி குன்றி பின்பு உதிர்ந்து விடும்.

• இலேசாக காற்று வீசினாலும் மரம் சாய்ந்து விடும்.

• இதன்பொருளாதார சேத நிலை. மரம்\கிழங்கை வெட்டி‌ப் பார்க்கும் போது 3 வண்டிற்கு அதிகமாக இருந்தால் உடனே கட்டுப்பாட்ட நடவடிக்கைக‌ளைத் ‌தொடங்கவேண்டும்.

• இவை ரொபஸ்டா மற்றும் கற்பூரவள்ளி இரகங்களை அதிகம் தாக்குகின்றன.

‌‌‌பூச்சியை கண்டறிதல்

முட்டை: நீள்வட்ட வடிவில், 2‌-3 மி.மீ நீளத்தில் வெண்மை நிறமாக இருக்கும்.
தண்டின் அடிப்பகுதியில், தரைப் பகுதிக்கு சற்று மேலே பெண் வண்டுகள் குடைந்து, மென்று துப்பிய தண்டின் துளையினுள் முட்டைகள் காணப்படும். மேலும் கிழங்கின் மேல்பகுதி, வேருக்கு அருகில் மற்றும் வெட்டப்பட்ட தண்டு பகுதி போன்ற பகுதிகளிலும் முட்டைகளைக் காணலாம்
வெப்பநிலையைப் பொறுத்து 4 முதல் 36 நாட்கள் வரை முட்டை பருவம் இருக்கும்.
புழு: வெண்ணிற கால்களற்ற புழுக்கள், தடித்து, வளைந்த வடிவில் நடுபகுதி சற்று பருத்த நிலையில் காணப்படும்.
செம்பழுப்பு நிறத்தில் தலையுடனும், வலுவான வாய்ப் பகுதி‌‌‌‌‌‌‌‌‌‌‌‌‌‌‌‌யுடனும் இருக்கும், வளர்ந்த புழுக்கள் 12 மி மீ நிளம் கொண்டவை.
புழுக்காலம் 20‌‌‌‌-25 நாட்கள்.
கூட்டுப்புழு: வெண்மை நிறத்தில், 12 மிமீ நீளத்துடன் இருக்கும் . வண்டுகளின் துளைகளில் இக்கூட்டுப் புழுக்களைக் காணலாம். காலம் 5‌‌-7 நாட்கள்.

முதிர்ந்த வண்டு: 10-16-மி‌மீ நீளம் உள்ளவை. கடின ஓடினால் மூ‌டப்பட்ட உடலில் ‌‌மூக்கு ‌‌‌‌நீண்டு வளைந்திருக்கும். இளம் வண்டுகள் செம்பழுப்பு நிறத்தில் இருக்கும். பின்பு சில நாட்களிலேயே கருமை நிறமாக மாறிவிடும்.
பெரும்பாலும் இலைப்பரப்பு இடுக்குகளில் காணப்படும். இது, சில சமயங்களில் அடித்தண்டு மற்றும் பயிர்க் க‌ழிவுகளில் இருக்கும்.
இரண்டு வருடம் வரை உயிர் வாழும். இவ்வண்டுகள் உணவிண்றி 6 மாதங்கள் வரை வாழக் கூடியவை. ஆனால் வறண்ட வெப்ப நிலைகளில் 48 மணிநேரம் கூட வாழ இயலாது. இரவில் நன்கு செயல்புரிபவை.

கட்டுப்பாடு முறைகள்
உழவியல் முறைகள்

• இறந்த மரங்களைக் கிழங்குடன் அகற்றி, அழித்து, வயலைச் சுத்தமாகப் பராமரிக்கவேண்டும்.
• ஆரோக்கியமான, கிழங்குகளை சு‌த்தப்படுத்தி நுனிகளைச் சீவிப் பின் நடவு செய்ய‌வும்.
  தாக்கப்பட்ட வயலிலிருந்து கன்று தேர்வு செய்வதைத் தவிர்க்கவேண்டும்.
• வாழை மரத்தின் தூர் பாகத்தினைச் சுத்தமாக வைத்திருக்கவேண்டும். 
• தார் வெட்டிய பின்பு தாய் மரத்தினை வயலிலிருந்து அகற்றி, அழித்து விடுவதால் அவை வண்டுகள் தங்கிப் பெருக இடமளிப்பதைத் தவிர்க்கலாம்.
• இவ்வண்டுகள் தங்க இயலாத நெல், கரும்பு போன்ற பயிர்களை கொண்டு பயிர் சுழற்சி செய்யலாம்.
• வண்டுப் பொறிகளைப் பயன்படுத்தலாம்.
• தேவையான அளவு உரமிட்டு களைகளை அகற்றி வைக்க‌வும்.
• வா‌‌ழையின் வேர்ப்பகுதியைச் சுற்றிலும் 60 செ.மீ சுற்றளவுக்கு மூடாக்குப் போடுவதைத் தவிர்க்கவும், இதனால் அப்பகுதியில் ஈரப்பதம் குறைவதால் வண்டுகள் இறந்து விடும்.

இரசாயன முறைகள்

• கன்று நடுவதற்கு முன், கு‌‌‌‌ழி ஒன்றிற்கு பியூராடான் 3‌‌ ‌ஜி-20கி. அல்லது திம்மெட் 10‌ ஜி-12கி அல்லது வேப்பம் புண்ணாக்கு 1/2‌‌‌‌‌‌‌‌‌‌‌‌‌‌‌‌‌‌‌‌‌‌‌‌ கி.கி அள‌வு இடவும்.
• இடைக் கன்றுகளை மோனோகுரோப்டோபா‌‌‌‌‌‌‌‌‌‌‌‌ஸ் கரைசல் (14 மிலி 1 லி நீரில் கலந்து) 20 நிமிடங்கள் ஊற வைப்பதால் முட்டை மற்றும் ‌‌‌புழுக்கள் அழிக்கப்படுகின்றன.
• அறுவடைக்குப் பின் தாய் மரங்களை வெட்டி அவற்றை (கு‌ழிகளை) கார்பரில் (1கி/லி)அல்லது குளோர்பை‌ரிபா‌‌ஸ் (2.5 மி‌.லி./லி)மருந்து கொண்டு நனைக்கவும்.

உயிரியல் முறை

• பெருந்தலை கொண்ட ஊண் உண்ணி எறும்பு இனங்களான(‌பெய்டோல் மகொசெப்பாலா) மற்றும் டெட்ராமோரியம் ஸ்பீசிஸ் என்பவை முட்டைகள், புழுக்கள் போன்றவற்றை உண்ணக் கூடியவை.
• பிவேரியா பேசியாயனா, மெட்டாரைசியம் அனிசோபிலே போன்ற பூச்சிக் கொ‌ல்லி பூ‌‌‌ஞ்சைகள் இக்கூண் வண்டினை 90 சதவீதம் அழிக்கின்றன.
• ஸ்டெய்னெர்மா மற்றும் ‌ஹெட்டிரோராபிடிஸ் ஸ்பீசிஸ்  போ‌ன்ற நூற்புழுக்கள் கூண்‌‌ வண்டு மற்றும் அதன் புழுக்களையும் தாக்குகின்றன.
• 60-100 கி வேப்பங்கொட்டைப் பொடி அல்லது வேப்பம் ‌புண்ணாக்கினை கிழங்குகளை நடும்போதும் பின்பு 4 மாதங்கள் க‌ழித்து ஒரு முறையும் இடுவதால் பூச்சித் தாக்குதல் குறைவதோடு, நல்ல மகசூல் பெறலாம். 100 கிராமிற்கு அதிகளவோ அல்லது வேப்ப எண்ணெய் இடுவதோ வாழைப் பயி‌ரினையே பாதிக்கக் கூடும்.

இயந்திர முறை

• பிரமோனீ அல்லது இனக் கவர்ச்சிப் ‌பொறியினை எக்டருக்கு 25 என்ற எண்ணி‌க்கையில் வைக்கலாம்.
• வட்ட வடிவ தண்டுப் பொறியில் தண்டிற்கு பதில் கிழங்கினை வெட்டி வைப்பதால் கூன் வண்டுகள் இவ்வாசனையால் கவரப்பட்டு முட்டையிடவும் உண்ணவும் அப்பகுதிக்கு வரும். இவ்வண்டுகளை சேகரித்து அ‌‌‌ழிக்கலாம். எந்த அளவு பயன்படுத்துகிறோமோ அந்த அளவிற்கு பயன்மிக்கது.
• வாழை நீளத்தண்டு கவர்ச்சிப் பொறியினை எக்டருக்கு 100 என்ற அளவில் பயன்படுத்தலாம்.

தாக்குதலின் தன்மை:

• நூற்புழக்களால் தாக்கப்பட்ட வாழை வளர்ச்சி குன்றி, இலைகள் மஞ்சள் நிறமாக மாறிவிடும்.

• முதிர்ச்சியடையாத இலைகள் உதிரத் தொடங்குதல் மற்றும் ஊட்டச்சத்துக்கள் எடுத்துச் செல்வது தடைபடுவதால் சிறிய காய்கள் (குலைகள் சிறுத்துப் போதல்) உருவாதல் போன்ற அறிகுறிகள் தென்படும்.
• வேர் மற்றும் கிழங்குளில் வட்ட வடிவ  மேடு பள்ளம் போன்ற அறிகுறிகள் இளம் வா‌ழைகளில் காணப்படுகின்றன
• அதிகளவு பாதிக்கப்பட்ட கன்றுகளை நடும்போது, அதன் வேர்ப்பகுதி முழுவதும் தாக்கப் படுவதால் இவை வளர்ச்‌சியடைவது இல்லை
• தாக்குதல் அதிகரிக்கும் போது வாழையின் அடிப்பகுதி இலைகள் உலர்ந்து விடும்
• ஈரப்பதமான காற்று  வீசும் தட்ப வெப்ப நிலைகளில் சரியான வேர்ப்பிடிப்பு இல்லாததால், வாழை மரத்தின் தண்டுப்பகுதி (நுனி) சாய்ந்து விடும்.
• இவை வாழையின் வேர்களுக்குள் நுழைந்து சாற்றை உறிஞ்சி விடுவதால், வேர்கள் பழுபபு நிறமாக மாறியும், வேரினை ஒடித்து பார்த்தால் அதனுள் செம்பழுப்பு நிறக்கோடுகள் இருப்பதையும் காணலாம். 

பூஞ்சையை கண்டறிதல்

• நூற்புழுக்களின் தாக்கமானது, வாழை சாகுபடி செய்யக்கூடிய அனைத்து இடங்களிலும் காணப்படுகிறது. இதன் தீவிரமானது, பயிர் சுழற்சி, சாகுபடி செய்யக்கூடிய ரகங்கள் மற்றும் நூற்புழுக்களை கட்டுப்படுத்த கையாளுகின்ற முறைகள் ஆகியவற்றை பொருத்ததாகும். பொதுவாக 33 இனங்களை சேர்ந்த 71 வகையான நூற்புழுக்கள், வாழையைத் தாக்குவதாக கண்டறியப்பட்டாலும், இதில் மிக முக்கியமானதாக கருதப்படுபவை ஐந்து நூற்புழுக்கள் மட்டும் தான். அவை

• வேர்குடையும் நூற்புழு – ரேடோபோலஸ் சிமிலிஸ்
•  வேர் அழுகல் நூற்புழு – பிராட்டிலென்கஸ் காப்பியே
• வேர்முடிச்சு நூற்புழு – மெலைடோகைன்   இன்காக்னிடா
• சுருள் வடிவ நூற்புழு – ஹெலிக்கோடைலன்கஸ் மல்டிசிங்டஸ்
• முட்டைகூடு நூற்புழு – ஹெட்டிரோடிரா ஒரைஸிகோலா

1.வேர்குடையும் நூற்புழு – ரேடோபோலஸ் சிமிலிஸ்
வாழையைத் தாக்கும் நூற்புழுக்களில் இது மிகவும் முக்கியமான நூற்புழுவாகும். உலகில் அதிகமாக விற்பனை செய்யக்கூடிய பச்சை வாழை ரகமான கேவண்டிஷ் இனத்தை இந்நூற்புழு மிக அதிக அளவில் தாக்குகிறது. இது வாழையைத் தவிர மிளகு, தென்னை, கடுகு, இஞ்சி, மஞ்சள், சர்க்கரை வள்ளிக்கிழங்கு, கரும்பு, நிலக்கடலை, ஜாதிக்காய், தேயிலை, காப்பி, ஏலக்காய் ஆகிய பயிர்களையும் தாக்கும் வல்லமை கொண்டது. கேரளா மாநிலத்தில், பாலக்காடு பகுதியில் 1966 ஆம் ஆண்டு வாழையில் கண்டறியப்பட்டது. பின்பு இந்நோய் மற்ற மாநிலங்களான தமிழ்நாடு, கர்நாடகா, ஆந்திரா, மஹாராஷ்டிரா, குஜராத், உத்திரபிரதேசம், மத்திய பிரதேசம், பீஹார், கோவா, வடகிழக்கு மாநிலங்கள், அந்தமான் மற்றும் லட்சத்தீவு ஆகிய பகுதிகளுக்கும் பரவி, அதிக பாதிப்பை ஏற்படுத்தி வருகின்றன. இந்நூற்புழுவினால் வாழையில் மகசூல் இழப்பு 41 சதவீதமாக கணக்கிடப்பட்டுள்ளது.

அறிகுறிகள்:

• மண்ணில் வாழக்கூடிய இந்த நூற்புழு, வாழையின் வேரினுள் நுழைந்து வேரின் கார்டிகல் செல் பகுதியை உண்பதால், நீண்ட மற்றும் குறுகிய பள்ளங்களும், குழிகளும், கார்டிகல் பகுதியில் ஏற்படுகின்றன.
• பாதிக்கப்பட்ட வேரை நீள்வாக்கில் இரண்டாக பிளந்தால், கார்டிகல் பகுதியில் செம்பழுப்பு நிறத்தில் காயங்கள் இருப்பதை காணலாம். இந்நூற்புழுவானது வேரின் நடுப்பகுதி அல்லது சாற்றுக்கற்றைப் பகுதியை முதலில் தாக்குவதில்லை என்றாலும், நாளடைவில் பூஞ்சாணங்கள் இந்நூற்புழு ஏற்படுத்திய காயங்களின் வழியாக வேரினுள் உட்செல்வதால், வெள்ளை நிற சாற்று கற்றை பகுதி, பழுப்பு அல்லது கருப்பு நிறத்தில் மாறி, வேரைச் செயலிழக்கச் செய்கிறது. வேரிலிருந்து இந்த நூற்புழுவானது கிழங்கிற்கு சென்று அங்கு சிவப்பு அல்லது கருப்பு நிறத்தில் காயங்களை ஏற்படுத்தி, நீண்ட மற்றும் குறுகிய பள்ளங்களையும் குழிகளையும், கிழங்கினுள் ஏற்படுத்துகிறது. இதை கிழங்கின் மேற்பரப்பை சீவும் பொழுது எளிதாக காணலாம்.

இந்த வேர்குடையும் நூற்புழுக்களின் தாக்கத்தினால், வேர்கள் சேதமடைவதால் வாழை மரம் வேரின் ஆதாரம் இழந்து, லேசான காற்றில் கூட, மரம் சாய்ந்து விடுகின்றது. மேலும் இந்நூற்புழு தாக்கத்தின் ஆரம்ப நிலையில்,  பாதிக்கப்பட்ட மரத்தின் வளர்ச்சி தடைபடுவதால், இலைகள் வெளுத்துக் காணப்படும். இதனால், மிகச் சிறிய தாரை கொடுப்பதால், காய்கள் வளர்ச்சியடையாமல், மகசூலும் வெகுவாக குறைகிறது.

பரவும் விதம்:

இந்த வேர்குடையும் நூற்புழு, மண்ணில் 13 மாத காலம் உயிருடன் வாழக்கூடியது. இது தண்ணீர், மண் மற்றும் நடவிற்கு பயன்படுத்தும் நோயுள்ள கிழங்கு அல்லது கன்றுகள் ஆகியவற்றின் மூலமாக ஓரிடத்திலிருந்து மற்றொரு இடத்திற்கு பரவுகிறது.
பாதிப்புக்குள்ளாகும் இரகங்கள்:
பொதுவாக கேவண்டிஷ் வகையைச் சார்ந்த இரகங்களான ரொபஸ்டா, பஸ்ராய் மறறும் பல இந்நூற்புழுக்களால் மிக அதிகமாக பாதிக்கப்படுகின்றன. ஆனால், நெய் பூவன், சீனிசம்பா, தூத்சாகர், குள்ளன், வென்னீட்டுக்குள்ளன் மற்றும் கதலி ஆகியவை இந்நூற்புழுவின் தாக்கத்தை தாங்கி வளரக்கூடியவையாகும். சமீபத்தில் ஆந்திராவில், ரஸ்தாளி ரகத்தில் இதன் தாக்கம் கண்டறியப்பட்டுள்ளது.

2. வேர் அழுகல் நூற்புழு (பிராட்டிலென்கஸ் காப்பியே)

இந்த நூற்புழு மிக முக்கியமானதாகும். இது வாழையில் குறிப்பாக நேந்திரன் இரகத்தில், 45 சதவீதத்திற்கு மேலாக மகசூல் இழப்பை ஏற்படுத்துவதாக கண்டறியப்பட்டுள்ளது. வாழை சாகுபடி செய்யும் தமிழ்நாடு, ஆந்திரா, கர்நாடகா, மகாராஷ்டிரா, மத்தியபிரதேசம், ஒரிஸ்ஸா, மேற்கு வங்கம், பீஹார், அஸ்ஸாம், மற்றும் குஜராத் ஆகிய மாநிலங்களில் இதன் தாக்குதல்கள் காணப்படுகின்றன. இந்நூற்புழுவின் வாழ்நாள் 27 முதல் 32 நாட்களாகும்.
அறிகுறிகள்:
மிக அதிக அளவில் வேர்பகுதியில் காயத்தை உண்டுபண்ணி, வேரின் புற மற்றும் கார்டிகல் பகுதியில் உள்ள திசுக்களை அழித்து, கருஞ்சிவப்பு நிற திட்டுக்களை ஏற்படுத்தி வேரை கருமை நிறமாக்கி, கடைசியில் அழுகச் செய்கிறது. இந்நூற்புழு வேர்ப்பகுதி மட்டுமல்லாமல், கிழங்கிலும் வாயங்களை ஏற்படுத்தும். வேர் மற்றம் கிழங்குப் பகுதிகளில் ஏற்படும் காயங்களினால், வாழை மரத்தின் வளர்ச்சி குறைந்து, தார் வெளிவருவதும் தள்ளிப் போகும். மேலும், வாழைத்தாரின் எடை குறைகிறது. வேர் அழுகல் நூற்புழுக்களின் தாக்குதலினால், வேர்களின் எண்ணிக்கை குறைந்து காணப்படுவதால், இந்நூற்புழுவின் தாக்குதலுக்குள்ளான வாழை மரம் அடியோடு சாய்ந்து விடுகிறது. மேலும் பியூசேரியம் வாடல் நோயின் தாக்கத்தை கூட, இந்நூற்புழு தீவிரப்படுத்தக் கூடிய தன்மை கொண்டது.

பரவும் விதம்:

நடவிற்கு பயன்படுத்தப்படும் பாதிக்கப்பட்ட நோயுள்ள கிழங்கு அல்லது வாழைக்கன்றுகளின் மூலமாகவும், தண்ணீர் மூலமாகவும், இந்நூற்புழு ஓரிடத்திலிருந்து மற்றொரு இடத்திற்கு பரவுகிறது.
3. வேர்முடிச்சு நூற்புழு:
மிகப் பரவலாக காணப்படும் இந்நூற்புழுவானது, வெப்பமண்டல பிரதேசங்களில் வாழை உட்பட பல பயிர்களில் தாக்குதல்களை ஏற்படுத்துகிறது. பலதரப்பட்ட வகைள் இந்த நூற்புழு இனத்தில் இருந்தாலும், மெலாய்டோகைன் இன்காக்னிடா மற்றும் மெ. ஜவானிக்கா ஆகியவை. வாழை சாகுபடி செய்யும் இடங்களில் அதிகமாக காணப்படுகின்றன. இது குறிப்பாக பூவன் இரகத்தில், 31 சதவீத மகசூல் இழப்பை ஏற்படுத்துகிறது. தமிழ்நாடு, கர்நாடகா, ஆந்திரா, மத்தியபிரதேசம், குஜராத், மஹாராஷ்டிரா, பீஹார், அஸ்ஸாம் போன்ற மாநிலங்களில் இந்த நூற்புழுவின் தாக்குதல் இருப்பதாக கண்டறியப்பட்டுள்ளது.

அறிகுறிகள்:

வேர்முடிச்சு நூற்புழுவின் தாக்குதலால், வேரின் முதலாம் மற்றும் இரண்டாம் நிலை சல்லி வேர்களில் முக்கியமாக வேரின் நுனிப்பகுதியில், சிறிதும் பெரிதுமாக முடிச்சுகள் காணப்படும். வேரிலிருந்து தண்டு, இலைகள் மற்றும் காய்களுக்கு, நீர் மற்றும் சத்துக்கள் போவது தடைபடுகிறது. இதனால் பாதிக்கப்பட்ட மரத்தின் இலைகள் மிகச்சிறியதாகவும், இலைகளின் ஓரங்கள் காய்ந்தும் காணப்படுகின்றன. வாழை மரத்தின் வளர்ச்சி பாதிக்கப்படுவதோடு, பூ வெளிவருவதும் தடைபடுகிறது. மேலும், காய்களின் அளவு மற்றும் எண்ணிக்கை குறைந்து, பெரும் மகசூல் இழப்பு ஏற்படுகிறது. பாதிக்கப்பட்ட வேரை நீள்வாக்கில் பிளந்தால், முட்டை குவியல்கள் காணப்படும்.

பரவும் விதம்:

இந்நூற்புழுவானது நோயுள்ள கிழங்கு மற்றும் கன்றுகளை நடுவதன் மூலமாக பரவுகின்றது. தனது மொத்த வாழ்நாட்களான 24லிருந்து 30 நாட்களை, இந்நூற்புழு வேரில் இருந்து கொண்டு தான் கழிக்கிறது. ஒரு பெண் புழு, சாதாரணமாக சுமார் 300 முட்டைகளை, கூட்டாக வேரின் கார்டெக்ஸ் பகுதியில் இடுகின்றன. இந்த முட்டைகளிலிருந்து புழுக்கள் வெளிவருகின்றன. அதில் இரண்டாம் இளநிலை பருவபுழுக்கள் மட்டுமே வாழையின் வேரைத் தாக்கி, வேரினுள் புகுந்து, முதிர்ச்சி அடைந்து, பின்பு இனச்சேர்க்கை செய்து இனப்பெருக்கம் அடைகின்றன. இந்த நூற்புழுவும் பியூசேரியம் வாடல் நோயின் தாக்கத்தை தீவிரப்படுத்துகின்றது.

பாதிப்புக்குள்ளாகும் இரகங்கள்:

மட்டி, நெய்பூவன், ரொபஸ்டா, அம்ரித்ஸாஹர், பஸ்ராய்,குட்டை கேவண்டிஷ், மனோரஞ்சிதம், பூவன், இரஸ்தாளி, கற்பூரவள்ளி, மொந்தன், நேந்திரன் முதலிய இரகங்கள் வேர்முடிச்சு நூற்புழுவினால் அதிகம் பாதிக்கப்படுகிறது. ஆனால் விருப்பாட்சி, பச்சநாடன், லகாடான் முதலிய இரகங்கள், இந்த நூற்புழுக்களின் தாக்குதல்களை தாங்கி வளரக்கூடியவை.

4. சுருள் வடிவ நூற்புழு:

ஹெலிக்கோடைலங்கஸ் மல்டிசிங்டஸ் மற்றும் ஹெ. டைஹிஸ்டீரா என்ற இரண்டு சுருள் வடிவ இன நூற்புழுவானது, கேரளா, தமிழ்நாடு, வடகிழக்கு மாநிலங்கள் மற்றும் மஹாராஷ்டிரா ஆகிய மாநிலங்களில், வாழையை தாக்குவதாக கண்டறியப்பட்டுள்ளது. இந்நூற்புழு, வாழை குலைத்தள்ளும் காலத்தை 3 முதல் 4 மாத காலம் தாமதமாக்குவதோடு, சுமார் 34 சதவீதம் மகசூல் இழப்பையும் ஏற்படுத்தக்கூடியது. வேரில் மிக ஆழமான காயங்களை ஏற்படுத்துவதால், இந்நூற்புழு தாக்கப்பட்ட வாழை மரம், எளிதில் சாய்ந்து கீழே விழுந்துவிடும். இது மற்ற நூற்புழுக்களான, வேர்குடையும் மற்றும் வேர்காய் நுாற்புழுக்களைப் போல கார்டிகல் பகுதியை தாக்குவதில்லை. மாறாக, வேரின் மேற்புற பகுதியை தாக்குவதால், பாதிக்கப்பட்ட வேர்கள் முற்றிலும் அழுகி இறந்துவிடுகின்றன. இந்நூற்புழு தாக்கப்பட்ட வாழை மரம், வளர்ச்சி குன்றியும், இளம் இலைகள் மஞ்சளாகவும், பிறகு கருகியும் காணப்படும்.

வாழ்க்கை சுழற்சி:

மண்ணில் 32 முதல் 37 நாட்களே உயிர் வாழும் இந்த நூற்புழுவானது, குளிர் பகுதியில் அதிகமாக காணப்படும். எங்கெல்லாம் வேர் குடையும் நூற்புழு அதிகமாக காணப்படுகிறதோ, அங்கெல்லாம் இந்த நூற்புழு இருப்பதில்லை. முட்டை பருவம் தவிர மற்ற அனைத்து பருவங்களும் வேரினுள் காணப்படுகின்றன.

பாதிப்புக்குள்ளாகும் இரகங்கள்:

இரஸ்தாளி, கிருஷ்ணவாழை, பேயன், சிறுமலை, பச்சை வாழை (ரொபஸ்டா) கற்பூரவள்ளி போன்ற இரகங்கள் இந்த நூற்புழுவின் தாக்குதலை தாங்கி வளரக்கூடியவையாகும்.
பரவும் விதம்:
மற்ற நூற்புழுக்களைப் போல் இதுவும், நடவிற்கு பயன்படுத்தப்படும் நோயுள்ள கிழங்குகள் அல்லது கன்றுகள் மூலமாகவும், மண்ணின் மூலமாகவும், ஓரிடத்திலிருந்து மற்றொரு இடத்திற்கு பரவுகிறது.

முட்டை கூடு நூற்புழு:

நேந்திரன், நெய்பூவன் மற்றும் பச்சை வாழை ஆகிய இரகங்களை தாக்கும் இந்த நூற்புழுவானது, 20 முதல் 57 சதவீதம் வரை மகசூல் இழப்பை ஏற்படுத்தக்கூடியது. இந்நூற்புழு, இளம் வேர்களை தாக்குவதால், நீர் மற்றும் சத்துக்களை கடத்தும் திறன் மட்டுபடுகிறது. இதனால், வாழை மரத்தின் வளர்ச்சி குன்றி, மகசூல் இழப்பு ஏற்படுகிறது. இந்த புழுவின் மொத்த வாழ்நாள் 25 நாட்களாகும்.

கட்டுப்பாடு முறைகள்:
உழவியல் முறைகள்

• அறுவடை முடிந்த பின் 3 மாதங்கள் வயலை எந்த பயிரும் செய்யாம் விடுவதால் துளைக்கும் புழுக்களின் எண்ணிக்கை குறையும். மேலும் 5 மாதங்களுக்கு நீர் பாய்ச்சிப் பின் நிலத்தை விட்டுவிடுவதால் துளைக்கும் புழு, புஸேரியம் வாடல் நோயைத் தோற்றுவிக்கும். உயிரிகளும் முற்றிலும் அழிக்கப்பட்டு விடும்.

• நெல், கரும்பு, பச்சைப் பயறு, பருத்தி போன்ற பயிர்களுடன் பயிர் சுழற்சி செய்தால், நூற்புழுத் தாக்கம் குறைந்து வா‌‌‌ழையில் மக‌சூல் அதிரிக்கும்.

• வா‌ழையுடன் ஊடுபயிராக சணப்பை (குரோட்டலேரியா ஜங்சியா) பயிரிடுவது நூற்புழு எண்ணிக்கையைக் குறைக்கும்.

• மண்ணி‌‌னை கறுமை நிற பாலித்தின், கரும்பு சோகைகள், வா‌‌ழைச் சருகுகளைக் கொண்டு மூடலாம்.

• கன்று நடும் போது வேப்பம் புண்ணாக்கு இடுதல், துலுக்க மல்லி, முள்ள‌ங்கி, சணப்பை, அவரை போன்றவற்றுடன் ஊடு பயிர் செய்வது நல்ல பயனைத் தரும்.

• சாராய ஆலை கழிவு 2.5 கி கி + மண்புழு உரம் 1 கி கி + வேப்பம் புண்ணாக்கு 1 கி கி + கோழிக்குப்பை 2.5 கிகி கலவையை, நடவு செய்த 3, 5, 7 மாதங்களில் இடலாம்.

• வேம்பு அல்லது ‌நீம் கோல்டு அல்லது நிம்பிசிடின் ஏதேனும் ஒரு மருந்தினை 30 மி லி மரமொன்றுக்கு இடலாம்.

• கிழங்கின் நுனியினை ‌சீ‌வுதல் அல்லது 50 செ. வெந்நீரில் 20 நிமிடங்களூக்கு வைத்து நேர்த்தி செய்யலாம்.

உயிரியல் கட்டுப்பாடு

• மரமொன்றுக்கு டிரைக்கோடெர்மா விரிடியை 20 கி நடும்போதும், 3 மாதங்கள் கழித்து ஒரு முறையும் இடலாம்.
• சூடோமோனஸ்‌ புளூரோசென்ஸ், பேசிலோமைசீஸ் லிலாசினஸ் 20 கி போன்ற உயிரியல் கட்டுப்பாடு மருந்துகளைப் பயன்படுத்தலாம்

• கிழங்கின் நுனியினை ‌சீ‌வுதல் அல்லது 50 செ. வெந்நீரில் 20 நிமிடங்களூக்கு வைத்து நேர்த்தி செய்யலாம்.

இரசாயன முறைகள்

• கார்போபியூரா‌ன் 50கி/ மரம் நடும்போதும், பின்பு 3 மாதங்கள் ‌இடை‌வெளியில் இரு முறையும் இடவும்.

• நூற்புழுக் கொல்லிகளான ரக்பி 10 ‌ஜி-10கி/மரம் அல்லது கால்பால் 4ஜி-10கி/மரம் 3 மாத இடைவெளியில் மீண்டும் ஒரு முறை அளிப்பதால் ‌வேரழுகல் மற்றும் வேர்முடிச்சு நூற்புழுக்களைக் கட்டுப் படுத்தலாம்.

• கன்றுகளை நிம்பிசிடின் 15 மி.லி கலவையின் அல்லது ஜட்கன் 15 மி.லி/லி அல்லது நீவின் 15 மி.லி/லி மருந்தில் 30 நிமிடங்களுக்கு நனைத்துப் பின் நடவும்.
  
  ஒருங்கிணைந்த நூற்புழு கட்டுப்பாடு முறைகள்:
            அனைத்து நூற்புழுக்களும், மண்ணின் மூலமாகவும், நடவிற்கு பயன்படுத்தக்கூடிய நோயுள்ள கன்றுகளின் மூலமாக பரவி, மகசூல் இழப்பை ஏற்படுத்துகிறது. முக்கியமாக மண் மற்றும் கிழங்கிலுள்ள நூற்புழுக்களை அழிக்க நடவடிக்கை எடுப்பதன் மூலம், நூற்புழுக்களின் தாக்குதலிருந்து வாழையை காப்பாற்றி அதிக மகசூல் பெறலாம்.
  கட்டுப்பாடு முறைகள்:

  1. வாழை நடவு செய்வதற்கு முன்போ அல்லது பின்போ, நெல், கரும்பு, பச்சைப்பயிறு, சணப்பை, பருத்தி, மஞ்சள் போன்றவற்றில் ஏதாவது ஒன்றை சாகுபடி செய்து, பின்பு 3 மாகாலம் எந்த பயிரும்  சாகுபடி செய்யாமல் நிலத்தை அப்படியே வைத்திருந்து, பின் வாழை நடவு செய்தால், மண்ணில் உள்ள நூற்புழுக்கள் வெகுவாக குறைகிறது.
  2. சணப்பை பயிரை, வாழை சாகுபடி செய்யும் முன் பயிர் செய்து, அவற்றை நிலத்தில் அப்படியே மடக்கி உழுது, பின்பு வாழை நடவு செய்யவேண்டும். மேலும் வாழை நட்ட 15 நாட்கள் கழித்து, ஊடுபயிராக சணப்பை பயிர் செய்து, பின்பு பூ பூப்பதற்கு முன், சணப்பை பயிரை பிடுங்கி, வாழைக் கன்றை சுற்றி கிண்ணம் பறித்து அவற்றில் இந்த சணப்பை பயிரை  இட்டு, பின்பு மண்ணால் மூடி நீர் பாய்ச்ச வேண்டும்.
  3. சாமந்தி பூவை ஊடுபயிராக பயிர் செய்வதால், நூற்புழுக்கள் கட்டுப்படுவதோடு, பியூரடான் குருணை மருந்து செலவும் மிச்சமாகிறது. இந்த சாகுபடி முறையில், களைகள் வளர்வது தடுக்கப்படுவதால், களைகள் எடுப்பதற்கான செலவும் குறைகிறது. மேலும் சாமந்திப்பூவை விற்பதால், ஏக்கருக்கு 5000 ரூபாய் முதல் 8000 ரூபாய் வரை வருமானமும் பெறலாம். கடைசியாக, சாமந்தி பூச்செடியை பிடுங்கி, மண்ணில் இடுவதால், தழைச்சத்தும் மண்ணில் சேர்வதோடு, மண் வளமும் மேம்படுகிறது.
  4. மக்கிய தொழு உரம், சர்க்கரை ஆலைக்கழிவு, நெல் உமிச் சாம்பல் ஆகியவற்றை, முடிந்த வரை அதிகமாக மண்ணில் இட்டு, வாழை நடவு செய்வது நல்லது.
  5. கன்று நேர்த்தி:

  நோய்கள் தாக்காத வாழைத்தோட்டங்களிலிருந்து அல்லது தாய்மரத்திலிருந்து 15 முதல் 2 கிலோ எடையுள்ள கிழங்குகளை தேர்ந்தெடுப்பது அவசியம். பின்பு கிழங்கின் மேற்பரப்பிலுள்ள தோலை கத்தி கொண்டு சீவேண்டும். இப்படி சீவிய கிழங்கை களிமண் கரைசலில் மூழ்கி எடுத்த பின்பு, சீராக 40 கிராம் கார்போபியுரான் குருணை மருந்தை அதன் மேல் தூவி, நிழலில் காய வைத்து, நடவு செய்யவேண்டும். இந்த முறைக்கு பதிலாக, மேற்தோல் சீவிய கிழங்கு பகுதியை, மோனோகுரோட்டாபாஸ் (ஒரு விட்டர் நீரில் 14 மில்லி மருந்து என்ற அளவில் கலந்து) மருந்து கலவையில் கிழங்குப் பாகத்தை 30 நிமிட நேரம் மூழ்க வைத்து, பின்பு நடவு செய்ய வேண்டும்
  திசு வளர்ப்பு கன்றுகளை நடவு செய்வதாக இருந்தால், நடவு செய்வதற்கு 5 நாட்களுக்கு முன்னர், பாலித்தீன் பையில் 10 கிராம் பியுரடான் குருணை மருந்தை இட்டு தண்ணீர் ஊற்ற வேண்டும். பின்பு 5 நாட்கள் கழித்து, திசு வளர்ப்பு கன்றுகளை குழியில் நடவு செய்து, நீர் பாய்ச்சவேண்டும். மேலும், கன்று நட்ட 3 மற்றும் 5 மாங்களில், ஒரு வாழை மரத்திய்கு 40 கிராம் பியுரடான் மருந்து என்ற அளவில், மருந்தை சுற்றி 1 அடி தள்ளி, மண்ணில் கிண்ணம் பறித்து இட்டு, பின்பு இம்மருந்து கரையளவிற்கு உடன் தண்ணீர் பாய்ச்சவேண்டும். இதனால் நூற்புழுக்கள் அனைத்தும் கட்டுபடுத்தப்படுகின்றன.

  • வேப்பம் புண்ணாக்கை மரத்திற்கு 500 கிராம் என்ற அளவில், கன்று நட்ட 3 மற்றும் 5 வது மாதத்தில், கன்றை சுற்றி மண்ணில் இட்டால், அனைத்து நூற்புழுக்களும் சாகடிக்கப்பட்டு  மகசூல் அதிகமாகிறது.
  • எதிர் உயிர் கொல்லிகளான ட்ரைகோடெர்மா விவரிடி, சூடோமோனாஸ் ப்ளூரெஸன்ஸ், பேசில்லோமைசஸ் லிலாசினஸ் ஆகியவற்றில் ஏதாவது ஒன்றை, ஒரு மரத்திற்கு 25 கிராம் என்ற அளவிலும், க்ளோமஸ் மோஸே என்ற உள்வேர் பூஞ்சாணத்தை, ஒரு மரத்திற்கு 25-50 கிராம் என்ற அளவிலும் இடுவதால், நூற்புழுக்கள் மிக எளிதாக அழிக்கப்படுகின்றன.

தாக்குதலின் தன்மை‌

• இவ்வண்டு 5வது மாத வாழை மரங்களிலிருந்தே தாக்கத் தொடங்கும். கன்றுகளை இது தாக்குவதில்லை.

• தனது கூர்மையான மூக்கினால் தண்டின் மீது சிறிய குண்டூசி அளவு துளைகளை ஏற்படுத்துகிறது.

• இத்துளையிலிருந்து பழுப்பு நிற பிசுபிசுப்பான பிசின் போன்ற திரவம் வெளிவந்து கொண்டிருக்கும். இலையுறையின் அடிப்பகுதியிலிருந்து நார் போன்ற கழிவுகள் வெளிப்படும்.

• புழுக்கள் தண்டுப்பகுதியை குடைந்து சென்று திசுக்களை உண்ணுகின்றன. பாதிக்கப்பட்ட தண்டினை பிளந்து பார்த்தால் திசுக்கள் நீண்ட அளவில் குடைந்து காணப்படும். இவ்வண்டுகளின் அதிகளவு தாக்குதலால் தண்டுப் பகுதி அழுகி, துர்நாற்றம் வீசும்.

• இதன் தாக்குதலால் பூ வெளிவருவது மற்றும் காய்கள் முதிர்ச்சியடைவது தடைபட்டு, மகசூல் இழப்பு அதிகளவில் ஏற்படுகின்றது.

• இத்தகைய மரங்களிலிருந்து பெரும்பாலும் குலைகள் தோன்றுவது இல்லை. ஒரு வேளை தோன்றினாலும் குலைகள் சிறுத்தும், காய்கள் சிறுத்து எண்ணிக்கையில் குறைந்தும் காணப்படும். 

• இவ்வண்டின் தாக்குதல் நேந்திரன், செவ்வாழை, ரொபஸ்டா மற்றும் மொந்தன் போன்ற இரகங்களில் அதிகமாக காணப்படும். இதன் தாக்குதல் வருட முழுவதும் காணப்பட்டாலும் கோடை மாதங்களில் அதிகமாக இருக்கும்.

பூச்சியை கண்டறிதல்

முட்டை: உருளை வடிவில் வெள்ளை நிறத்தில், தட்டையான நுனி பாகத்தை கொண்டிருக்கும். இதன் அடைகாக்கும் காலம் 3-8 நாட்கள்.

புழு: புழு மஞ்சள் கலந்த வெள்ளை நிறத்தில், பழுப்பு நிறத் தலையுடன், கால்கள் இல்லாகலும் காணப்படும். இவை தண்டுகளை துளைத்துக் குடைந்து கொண்டே சென்று நடுத்தண்டைத் தாக்குகின்றது.
கூட்டுப்புழு: தண்டினுள்ளேயே, இவை நார் போன்ற கூடை கட்டி கூட்டுப்புழுவாக மாறுகின்றன. இவை கூட்டுக்குள்ளேயே வளர்கின்றன.
முதிர் பூச்சி: முதிர்ச்சியடைந்த கூண் வண்டானது கருமை நிறத்தில் 23-37 மி.மீ. அளவு இருக்கும். இவை நடுத்தண்டின் அழுகிய பாகங்களுக்குள் காணப்படும். இவ்வண்டுகள் 1 வருடம் வரை வாழ்கின்றன.

கட்டுப்பாட்டு முறைகள்
உழவியல் முறைகள்

• பாதிக்கப்பட்ட வயலிலருந்து ஒரு போதும் விதைக் கிழங்களை நடுவதற்காக எடுக்கக்கூடாது.

• வயலில் தாக்குதல் அதிகமாக உள்ள மரங்களை முற்றிலுமாக பிடுங்கி எரித்து விடவேண்டும். இதன் மூலம் வண்டுகளின் முட்டைகள், புழுக்கள் மற்றும் கூட்டுப்புழுக்களை அழிக்கலாம்.

• தாக்குதல் அதிகம் இருக்கும் பகுதிகளில், அறுவடைக்கு பின் இலைகளை உரமாக வயலில் இடும் முறையினை தவிர்க்கலாம்.

இராசயன முறைகள்

• 150 மி.லி. மோனோகுரோட்டாபாஸ் மருந்தை 350 மி.லி. நீரில் கலந்து ஊசி மூலம் தரையிலிருந்து 2 (அ) 4 அடி உயரத்தில் 2 மி.லி. மருந்துக் கலவையை 30° கோணத்தில் செலுத்தவேண்டும். அதற்கு எதிர்புறத்தில் 150 செ.மீ. உயரத்தில் 2 மி.லி. மருந்துக் கலவையைச் செலுத்தவேண்டும். ஒரு மரத்திற்கு ஒரு மறை 4 மி.லி. மருந்துக்கலவையை செலுத்தவேண்டும். இம்மருந்துக் கரைசலை மரத்திற்கு 6-8 மாதம் வரை ஒவ்வொரு மாதமும் ஊசி மூலம் செலுத்துவதன் மூலம் வண்டின் தாக்குதலை தவிர்க்கலாம்.

• குழி ஒன்றும்மு நடவு சமயத்தில், ப்யூராடான் 3G 20 கி. (அ) திமெட் 10G 12கி. (அ) வேப்பம் புண்ணாக்கு ½ கிலோ என்ற அளவில் இடவும்.

• வெட்டப்பட்ட இலைக்காம்பினை குளோர்பைரிபாஸ் (2.5லி) + 1மி.லி. ஒட்டும் திரவத்தில் கலந்த கலவை கொண்டு நனைக்கவேண்டும்.

• வாழைக் கலையினை அறுவடை செய்த பின், வாழை மரத்தினை வெட்டிய அடிப்பகுதியில் 100 மி.லி. கார்பரில்(2 கி/லி) அல்லது பிவேரியா பேசியானா 10 கி. என்ற அளவில் மருந்தினை இடவும்.

உயிரியல் முறை

• நீளவாக்கில் வெட்டப்பட்ட பகுதியின் மீது 20 கி. பிவேரியா பேசியானா பூஞ்சை (அ) ஹெப்பிடிரா ரேப்டிடிஸ் இண்டிகா எனுத் நூற்புழுவினை கொண்டு தடவினால் இவ்வண்டுகள் நோய் வாய்ப்பட்டு இறந்து விடும்.

இயந்திர முறை

• நீளவாக்கில் வெட்டப்பட்ட தண்டுப் பொறிகளை பயன்படுத்தவும். தண்டுகளை நீளவாக்கில் துண்டு துண்டாக வெட்டி வயலில் ஆங்காங்கே ஏக்கருக்கு 25 என்ற வீதத்தில் வைத்துக் கவர்ந்து அழிக்கலாம்.

தாக்குதலின் தன்‌‌மை:

• முதலில் காய்களின் தோலில் நீ‌ரில் நனைத்த புள்ளிகள் போ‌ன்று ஆங்காங்கு தோன்றும். இப்பேன்கள் இரண்டு ஒட்டிய காய்களுக்கு இடையே இருந்து கொண்டு சாற்றை உருஞ்சும். பின்பு இவை காய்களில் துருப்போன்ற செந்நிற, பழுப்பு நிறத்தில் சொரசொரப்பான கோடுகளாக மாறும்.

• இத்துருப் போன்ற கோடுகள் மேலும் அதிக‌ரிப்பதோடு, இலைகள் மஞ்சள் நிறமாக மாறும்.

• தோலின் உள்ளே உள்ள சதையின் சுவை மற்றும் தன்மை மாறாது. எனினும் இந்த துருப்போன்ற நிறத்தால் சந்தையில் விலை மிகவும் குறையும். 

• பேன்களின் தாக்குதல் முற்றும் போது, காய்களில் ‌வெடிப்புகள் ‌தோன்றும்.

பூச்சியை கண்டறிதல்:

முட்டை: முட்டைகள் சாதாரணமாக கண்ணுக்குப் புலப்படுவதில்லை. தண்டின் மேற்பகுதி அல்லது காய்களுக்கு அடியிலோ இடப்படுகின்றன. கோடையில் முட்டைகள் 8 நாட்களில் பொரிந்து விடும்.
புழுக்கள்: இறக்கைகள் அற்ற வெண்மை நிற சிறிய புழுக்கள் பெரிய பேன்களைப் போன்ற அதே வடிவத்தைக் கொண்டிருக்கும். புழுக்காலம் 8-10 நாட்கள் ஆகும்.
கூட்டுப்புழு: வெண்மை நிற புழுக்களைப் போன்ற நகரக் கூடிய இவை 1 மி.மீ நீளமுடையவை.
முதிர்பூச்சி: இவை 1.5 மி.மீ. நீளத்தில் மெல்லிய உடலுடன் மஞ்சள் முதல் தங்கப் பழுப்பு நிறத்தில் இறகு போன்ற இறக்கைகளை கொண்டுள்ளன. இறக்கையின் முன் பகுதி கருமை நிற முடிகளால் மென்மையாகக் காணப்படும். இவை முதிர்ந்த பேன்களுக்கு நடு வயிற்றுப் பகுதியில் நீண்ட கரு நிற தன்மையைக் ‌‌கொடுக்கின்றது. பேன்களின் இறக்கையின் அடிப்பகுதியில் இரு கண் போன்ற புள்ளிகள் காணப்படும். இதன் மூலம் பூக்களைத் தாக்கும் சிறு ஆண் பேன்களிலிருந்து, துருக்காய் பேன்களை பிரித்தறிய ஏதுவாகும்.

கட்டுப்பாடு:
உழவியல் முறைகள்:

• பேன்களின் தாக்குதலற்ற திசு வளர்ப்பு வா‌‌‌ழைகளைப் பயன்படுத்தவும். முடிந்தால் நடவு செய்‌‌‌‌‌‌‌‌‌‌‌‌‌‌‌‌‌‌‌‌யும் முன் வெந்நீரில் கிழங்குகளை நேர்த்தி செய்து நடவும்.

• பேன்கள் தங்கி‌ வாழும் பிற பயிர்களிருந்தால் அதனை அழித்து விடவும்.

• பாலித்தீன் அல்லது துணிப் பைகளை கொண்டு, தாரினை முழுவதும் மூடி, காய்களை காய்ப் பேன் தாக்காதவாறு பார்த்துக் கொள்ளவேண்டும்.

• காய்களை தினசரி கவனித்து வருவது அதிக இழப்பு ஏற்படாமல் தடுக்க உதவும்

உயிரியல் முறைகள்:

• கண்ணாடி இறக்கை பூச்சி, பொறி வண்டு போன்ற காக்சினெலட் உண்ணிகளை வயலில் விடுவதன் முலம், துருக்காய் பேன்களை கட்டுப் படுத்தலாம். எறும்புகள் கூட மண்ணிலிருந்து கூட்டுப்புழுக்களை அகற்றுவதில் உதவி செய்கின்றன.

இரசாயன முறைகள்:

• குலைகள், தண்டு மற்றும் கன்றுகளில் குளோர்பைரிபா‌‌‌‌‌‌‌ஸ் மருந்தினைத் தெளிக்கலாம்.

• பிப்ரோனில் மற்றும் பைன்பென்திரான் மருந்தினை மண்ணில் இடலாம்.