ஆந்தரக்னோஸ்: சாலிடோடிரைகம் காசிபியம்
அறிகுறிகள்

• இளம் இலைகளில் சிறிய, சிவப்பு அல்லது பழுப்பு நிறத்தில் புள்ளிகள் காணப்படும்.
• தண்டுப்பகுதியியல் செடிகளில் ஏற்படும் காயங்களின் மூலம் தாக்கப்படுகின்றன. இதனால் செடிகள் நலிந்து காணப்படுகின்றன.
• காய்களின் எல்லா நிலைகளிலும் இந்நோய் ஏற்படுகின்றது.
• இவ்வகை பூசணம் காய்களின் பஞ்சு மற்றும் விதையைப் பாதிக்கிறது.
• பிஞ்சுகள் மஞ்சள் நிறத்திலும் அல்லது பழுப்பு நிறத்திலும் மாறுகின்றன.
• காய்களில் பழுப்பு நிறத்தில் புள்ளிகளும், சற்று ஆழ்ந்த புள்ளிக்கும் சிவப்பு நிறத்தில் காணப்படுகின்றன.
• இந்நோயினால் பாதிக்கப்பட்ட விதைகள் முளைப்பதில்லை.

கட்டுப்பாடு

• வயல்களில் தண்ணீர் தேங்குவதைத் தவிர்க்கவேண்டும்.
• நோயினால் பாதிக்கப்பட்டசெடிகளை அழிக்கவேண்டும்.
• கந்தக அமிலத்தைப் பயன்படுத்தி விதைகளின் மேலுள்ள பஞ்சினை நீக்குவதால் இந்நோய் பரவுவது தவிர்க்கப்படுகிறது அல்லது கேப்டான் அல்லது கார்பன்டாசிம் அல்லது பினோமைல் 3-4 கிராம் / கிலோ அளவில் விதை நேர்த்தி செய்யலாம்.
• கார்பன்டாசிம் 1 கிராம் / லிட்டர் தண்ணீரில் கரைத்து தெளிக்கலாம்.