பண்ணை உபகரணங்கள்

தீவனத்தட்டுகள்

செவ்வக வடிவ அல்லது அறுங்கோண வடிவிலான தீவனத்தட்டுகளை உபயோகித்து பசுந்தீவனங்கள், வைக்கோல் மற்றும் அடர்தீவனங்களை ஆடுகளுக்கு அளிக்கலாம் தீவனப்பொருட்கள் ஆடுகளின் புழுக்கைகள், சிறுநீரால் மாசடைவதைத் இந்த தீவனத்தட்டுகள் தடுக்கின்றன இந்த தீவனத்தட்டுகளைப் பயன்படுத்துவதால் தீவன சேதாரத்தைத் தடுக்கலாம்.

தண்ணீர்த் தட்டுகள்

வெள்ளாடுகளை அதிக எண்ணிக்கையில் வளர்க்கும் போது ஒவ்வொரு வெள்ளாட்டிற்கும் 3-4 செமீ நீளத்திலான தண்ணீர்த் தட்டுகளைப் பயன்படுத்தினால் போதுமானது மூடி வைக்கப்பட்ட தண்ணீர்த்தட்டுகளைப் பயன்படுத்த வேண்டும். மேலும் இத்தண்ணீர்த் தட்டுகளை அடிக்கடி சுத்தம் செய்து, அசுத்தமடைந்த தண்ணீரை மாற்ற வேண்டும் தீவிர முறை வெள்ளாடு வளர்க்கும் பண்ணைகளில், தண்ணீர்த் தொட்டிகளில், தண்ணீர் போவதைக் கட்டுப்படுத்த வால்வுகள் அமைக்கப்பட வேண்டும்.

தீவனம் நறுக்கும் கருவி

தீவனப்பயிர்களை நறுக்குவதற்கு பல்வேறு வகையான தீவனம் நறுக்கும் கருவிகள் உள்ளன கையால் இயக்கும் மற்றும் மின்சாரத்தால் இயங்கும் தீவனம் நறுக்கும் கருவிகள் பொதுவாக உபயோகப்படுத்தப்படுகின்றன மின்சாரத்தால் இயங்கும் தீவனம் நறுக்கும் கருவிகள் பல்வேறு வோல்டேஜ்களில் இயங்கக்கூடியன. தீவனம் நறுக்கும் கருவியினைப் பயன்படுத்தி தீவனத்தை நறுக்கி ஆடுகளுக்கு அளிப்பதால், தீவனம் எடுக்கும் அளவும், தீவனம் வீணாவதும் தடுக்கப்படுகின்றது தீவனப்பயிர்களை நறுக்கும் போது அவற்றின் தண்டுப் பகுதிகளையும் வீணாக்காமல் தீவனமாக உபயோகிக்கலாம்.

ஆடுகளுக்கான அடையாளத் தோடுகளும் அவற்றைப் பொருத்தும் கருவிகளும்

இந்தக் கருவிகளைப் பயன்படுத்தி ஆடுகளுக்கு அடையாளக் குறியீடுகளையும், பொருட்களையும் பொருத்தலாம் அடையாளத்தோடுகள் பொதுவாக ஆடுகளின் காதுகளில் பொருத்தப்படுகின்றன. இவற்றைக் காதுகளில் பொருத்துவது எளிது அடையாளத் தோடுகள் பிளாஸ்டிக்கால் செய்யப்பட்டு அதில் எண்கள் பொறிக்கப்பட்டிருக்கும். இவை வெவ்வேறு வடிவங்களில் கிடைக்கின்றன.

பர்டிசோ ஆண்மை நீக்கக் கருவி

இந்தக் கருவியினைப் பயன்படுத்தி ஆட்டுக் கிடாய்களை ஆண்மை நீக்கம் செய்யலாம். இக்கருவியினைப் பயன்படுத்தி 3-4 வயதான வெள்ளாடு மற்றும் செம்மறியாட்டுக் குட்டிகளை ஆண்மை நீக்கம் செய்யலாம்.

மேலே செல்க