உயர் இரத்த அழுத்தம் (ஹைபெர்டென்சன்)
உயர் இரத்த அழுத்தம் என்பது மனிதனின் இரத்த அழுத்தம் 140 mm Hg க்கு சமமாகவோ அல்லது அதிகமாகவோ சிஸ்டாலிக் அழுத்தம் இருப்பது மற்றும் 90 mm Hg க்கு சமமாகவோ அல்லது அதிகமாகவோ டயஸ்டாலிக் அழுத்தம் இருக்கும்.மனிதனின் சாதாரண இரத்த அழுத்தம் 120/80 mm Hg.இதில் 120  லிருந்து 139 mm Hg சிஸ்டாலிக் அல்லது 80 லிருந்து 89 mm Hg வரை உள்ள டயஸ்டாலிக் இரத்த அழுத்தமானது முன் உயர் இரத்த அழுத்தம் ஆகும்.

அறிகுறிகள்
ஆரம்ப நிலையில் உயர் இரத்த அழுத்தம் மந்தமான தலைவலி, மயக்கம் அல்லது ஒரு சில நேரங்களில் மூக்கில் இரத்தக் கசிவுகள் இருக்கலாம்.

காரணங்கள்
90 முதல் 95 வீத உயர் இரத்த அழுத்தமானது எந்த ஒரு அடையாள  காரணமும் இருக்காது . இந்தவகையான இரத்த அழுத்தம் முதன்மை இரத்த அழுத்தம் என்றும் இந்த வகை  உயர் இரத்த அழுத்தம் படிப்படியாக உயர் இரத்த அழுத்தம் உருவாக முனைகிறது.  5 சதவீதம் 10 சதவீத  உயர் இரத்த அழுத்தம் அடிப்படை நிலைகளில்  ஏற்படுகிறது. இந்த வகை உயர் இரத்த அழுத்தம் இரண்டாம் நிலை உயர் இரத்த அழுத்தம் என்றும் இவை  திடுமென்று பிரதானமான நிலையயை விட உயர் இரத்த அழுத்தம் ஏற்படுத்த முனைகிறது.

சிறுநீரக கோளாறுகள், அட்ரினல் சுரப்பி  கட்டிகள்அல்லது சில இதய கோளாறுகள் போன்ற  பல்வேறு நிபந்தனைகளால் இரண்டாம் நிலை உயர் இரத்த அழுத்தம் ஏற்பட வாய்ப்புள்ளது. ஒருசில  பிறப்பு கட்டுப்பாடு மாத்திரைகள், குளிர் வைத்தியம், பிறவியில் இதயதில் கோளாறுகளாலும் ஏற்படுகிறது மற்றும் வலி நிவாரணி,  சில பரிந்துரைக்கப்பட்ட  மருந்துகள் போன்றவை இரண்டாம் நிலை உயர் இரத்த அழுத்ததை  ஏற்படுத்தலாம். பல்வேறு சட்டவிரோத மருந்துகள் மற்றும் கோகோயின் உள்ளிட்டவைகளால்  இரத்த அழுத்தம் அதிகரிக்க செய்யும்.

ஆபத்து காரணிகள்
உயர் இரத்த அழுத்தம் தோன்றுவதற்கான காரணிகள்:

• பாரம்பரியபண்பு
• உடல் பருமன்
• புகைத்தல்
• வயது
• மன அழுத்தம்
• அளவுக்கு அதிகமாக மது
• இரண்டாம் நிலை காரணிகளான நோய்களாலும் உயர் இரத்த அழுத்தம் ஏற்படலாம். சிறுனீரக நோய்கள் மற்றும்  போன்ற தைராய்டு சுரப்புக் குறைபாடுகளாலும் உயர் இரத்த அழுத்தம் ஏற்படும் .

உயர் இரத்த அழுத்தத்தை கட்டுப்படுத்துதல்

• புகைபிடித்தலை நிறுத்த வேண்டும்.
• உடல் எடையை பராமரிக்க வேண்டும்.
• உணவில் சோடியத்தின் அளவை குறைத்து கொள்ள வேண்டும். குறைந்த சோடியம் உணவுகள் (<2 கிராம் / நாள் விட) உயர் இரத்த அழுத்தத்தைக் கட்டுப்படுத்த பரிந்துரைக்கப்படுகின்றன. கரையக்கூடிய நார்சத்து உணவுகளான பழங்கள் மற்றும் காய்கறிகள் போன்ற ஆரோக்கியமான உணவுகளை உட்கொள்ள வேண்டும்.
• அதிக கொழுப்பு உணவுகளை தவிர்க்க வேண்டும்.
• காபி மற்றும் சோடா போன்றவற்றை தவிர்க்கவும்.
• அதிகப்படியான மது குடிப்பதை தவிர்க்க வேண்டும்.
• தொடர்ந்து முறையாக உடற்பயிற்சி மேற்கொள்ள வேண்டும்.
• மன அழுத்தத்தை குறைத்தல் மற்றும் வேலைக்கு  பிறகு ஓய்வெடுப்பது நல்லது.
• மருத்துவரின் ஆலோசனைப்படி பின்பற்ற வேண்டும்.