நிலத்தினுள் மண்ணின் ஈரப்பதத்தை பாதுகாக்கும் நுட்பங்கள்
சிறு நீர்பிடிப்புப் பகுதிகள்
செயல்பாடுகள்

• மண்ணினுள் ஈரப்பதத்தை பாதுகாக்கவும், மண் இழப்பை குறைக்கவும் செய்கிறது.
• நீர் உட்புகும் திறன் மற்றும் மழையளவைப் பொறுத்து சமமட்டப் பகுதிகளில் ஒரு மீட்டர் விட்டம் கொண்ட வட்டப்பாத்தி அமைக்க வேண்டும்.
• மழையளவு மற்றும் சரிவான நிலங்களின் சரிவைப் பொறுத்து 5x5மீ அளவுடைய  ‘V’ வடிவப் பள்ளங்கள் தோண்டி, அதில் நடுவில் மரங்களை நடவேண்டும்.
• சரிவிற்கு குறுக்கே 15 -20 செ.மீ உயரம் மற்றும் 2 மீ விட்டமுடைய கிண்ண வடிவ பாத்திகள் / அரைவட்ட வரப்புகளை அமைக்க வேண்டும்.

அகலப்பாத்தி மற்றும் சால்கள் அமைத்தல்

1. செயல்கள் : மழைக்காலங்களின் போது மண் அரிப்பைக் கட்டுப்படுத்தவும், மண் ஈரப்பதத்தை பாதுகாக்கவும் செய்கிறது.
2. பொதுவானத் தகவல்கள் : வயல் எல்லைகளுக்குள்ளே அகலப்பாத்திகள் மற்றும் சால்கள் அமைக்க வேண்டும். நிலத்தைச் சமப்படுத்தி, மாடுகளைக் கொண்டோ, டிராக்டர் கொண்டோ பார்கள் அமைக்க வேண்டும்.
3. விலை : பாத்திகள் மற்றும் சால்கள் ஒரு எக்டருக்கு அமைக்க ஆகும் செலவு ரூ.1000/-
4. சிறப்பியல்புகள் : புன்செய் நிலத்தில் மண் ஈரப்பதம் பாதுகாக்கப்படுகிறது.

மண்அரிப்பைக் கட்டுப்படுத்துகிறது
பலத்த மழை பொழியும் நாட்களில் வடிகால்களாக செயல்படுகிறது.
சம உயர உரப்பு

   

1. செயல்கள் : சரிவிற்கு குறுக்கே வரப்பு அமைப்பதால் வழிந்தோடும் நீரைத் தடுக்கலாம்
2. பொதுவான தகவல்கள் : நீர் வழிந்தோடும் வேகத்தைக் கட்டுப்படுத்த உதவுகிறது. வரப்புகள் திறந்தவெளி (அ) மூடியவாறு இருக்கலாம்.

தேவைப்படும்போது அதிகப்படியான அமைப்புகளும் அமைக்கலாம்.

1. விலை : சம உயர வரப்பு அமைக்க ஆகும் செலவு ரூ.1500/எக்டர்
2. சிறப்பியல்புகள் : இளகிய மற்றும் நடுத்தர நயமுடைய மண்களில் அமைக்கப்படுகிறது.

6% சரிவு வரை உள்ள நிலங்களில் அமைக்கப்படுகிறத.
நிலத்தில் மண் ஈரத்தை வைத்திருக்கவும் உதவுகிறது.

குறுக்கு வெட்டாக உள்ள வரப்புகளுக்கான அளவீடுகள் :

மண்ணின் ஆழம் (மீ)	அடி அகலம் (மீ)	மேல் அகலம் (மீ)	உயரம் (மீ)	பக்கச் சரிவு (மீ)	குறுக்கு வெட்டுப் பகுதி (ச.மீ)
ஆழம் குறைவான மண்கள் (7.5 – 22.5 செ.மீ)	2.67	0.38	0.75	1.5:1	1.14
நடுத்தர மண் (22.5 – 45 செ.மீ)	3.12	0.60	0.85	1.5:1	1.56
நடுத்தர ஆழமுள்ள மண்கள்	4.25	0.60	0.90	2:1	2.18

பலதரப்பட்ட வரப்புகளுக்கு தேவைப்படும் நிலைமைகள்

வரப்புகள்	மண்வகை	மழையளவு (மி.மீ)	சரிவு (%)
சம உயர வரப்பு	இளகிய மண்	< 600	> 1.5
சீர் வரப்பு	அனைத்து மண்கள்	> 600	1.5
இருக்கை அடுக்குத் தளம்	ஆழமான மண்	> 1000	6.0
சீர் வரப்பு வரிசை	ஆழமான செம்மண் மற்றும் அதுசார்ந்த மண்கள்	>800	> 1.5

மண்ணினுள் ஈரப்பதத்தை பாதுகாக்கும் நுட்பங்கள்

மண் வகை	மழையளவு	மண்ணினுள் ஈரப்பத்தைப் பாதுகாக்கும் நுட்பங்கள்
செம்மண்	குறைவான மழை	3-6 மீட்டர் இடைவெளியில் உள்ள வெற்றுச் சால்கள்
	மிதமான மழை	சமமட்ட படுக்கையில் விதைத்தல் மற்றும் பயிர்களை அமைத்து ஒரே மாதிரி சாகுபடி செய்தல்
	பலத்த மழை	சீர் வரப்பு வரிசைகள்
கருமண்	குறைவான மழை	சம உயர வரப்பு
	மிதமான மழை	3-6 மி. இடைவெளியில் வெற்றுச் சால்கள்
	பலத்த மழை	சரிவிற்கு குறுக்கே 10 மீ.இடைவெளியில் திறந்தவெளி சீர் சால்கள் (0.2 -0.3மீ3) அமைத்தல்

மண் ஈரப்பத சேமிப்பை மேம்படுத்துதல்
மண்ணில் ஈரப்பதத்தை பிடித்து வைத்துக் கொள்ளும் திறனை அதிகப்படுத்த மற்றும் நில நீர் கொள்ளளவுத் திறனை அதிகப்படுத்தவும், மண்ணில் வண்டல், களிமண், அங்ககப் பொருட்களை சேர்க்கலாம்.

முதல் பக்கம் | பருவம் & இரகங்கள் | நில பண்படுத்தல் | உர நிர்வாகம் | நீர் மேலாண்மை | களை மேலாண்மை | பயிர் பாதுகாப்பு | பயிர் சாகுபடி செலவு

© தமிழ்நாடு வேளாண்மைப் பல்கலைக்கழகம் அனைத்து உரிமைகளும் - 2013