கிரிஷாக் பாரதி கூட்டுறவு லிமிடெட் (KRIBHCO) உரத் தயாரிப்பிற்கு ஒரு முன்னோடி கூட்டுறவு சங்கம். இது பல மாநில கூட்டுறவு சங்கங்களின் விதி 1985 - ன் கீழ் பதிவு செய்யப்பட்டது. இந்திய அரசு, இஃப்கோ, என்.சி.டி.சி மற்றும் நாட்டில் உள்ள இதர வேளாண்மை கூட்டுறவு சங்கங்கள் மூலம் ஊக்குவிக்கப்பட்டது. கிரிஷாக் பாரதி கூட்டுறவு லிமிடெட் (KRIBHCO) உரத் தொழிற்சாலை யூரியா, அமோனியா மற்றும் உயிர் உரங்கள் தயாரிப்பு வளாகம் குஜராத் மாநிலம் ஹசிரா என்ற இடத்தில் தப்தி ஆற்றின் கரை ஓரத்தில், சூரத்தில் இருந்து 15 கி.மீ தொலைவில், சூரத் - ஹசிரா நெடுஞ்சாலையில் உள்ளது.