இலைக்கருகல் நோய் : லேசியோடிப்ளோடியா தியோபுரோமே |
தாக்குதலின் அறிகுறிகள்:
- இலைக்கருகல் நோய் இளந்தென்னை நாற்றுகள் மற்றும் முதிர்ந்த தென்னை மரங்களை தீவிரமாக தாக்கும்.
- இந்த நோய் கிருமி இலை மற்றும் காய்களை பாதிக்கும்.
- பொதுவாக முதிர்ந்த தென்னை ஓலைகளில் கீழாக வெளிசுற்றில் உள்ள இலைகளை பாதிக்கும்.
- பாதிப்பிற்குள்ளான ஓலைகள் நுனியிலிருந்து கீழ்வரை கருக ஆரம்பிக்கும். இவை எரிந்து போன தோற்றத்துடன் காணப்படும்.
- காய்களின் நுனிபகுதியிலிருந்து ஒழுங்கற்ற அலை வடிவிலான அடர் சாம்பலிருந்து பழுப்பு நிற புள்ளிகள் விளிம்புகளில் காணப்படும்.
- பூஞ்சையானது தேங்காய் பருப்பினுள் நுழைவதால், விதை சூழ்தசை சேதமடைகிறது.
- பாதிக்கப்பட்ட காய்கள் வறண்டு, சுருங்கி, சிதைந்து, முதிர்வுக்கு முன்பே விழுந்துவிடுகிறது. இதன் மூலம் 10 முதல் 25 சதவிகிதம் வரை காய்களின் மகசூல் குறைகிறது.
- இந்த அறிகுறியானது வருடம் முழுவதும் காணப்பட்டாலும் கோடைக்காலங்களில் பெரிதளவு தென்படுகிறது.
- பாதிக்கப்பட்ட இலைப்பகுதிகளில் உள்ள பூசண வித்துக்கள் மேற்கொண்டு நோயை பிற பகுதிகளுக்கு பரப்புகின்றன.
|
 |
 |
 |
 |
|
| நுனி இலைக்கருகல் |
எரிந்து போன தோற்றம் |
பாதிக்கப்பட்ட விதை சூழ்தசை |
பாதிக்கப்பட்ட தென்னை |
|
|
கட்டுப்படுத்தும் முறை:
உழவியல் முறைகள்
- தீவிரமான பாதிப்பிற்குள்ளான இலைகளை அகற்றி எரித்து நோய் பரவலை தடுக்கவும்.
உயிரியல் முறை
- சூடோமோனாஸ் ஃப்ளோரசன்ஸ் 200 கிராம் உடன் 50 கிகி தொழு உரம் (சாண எரு) + 5கிகி வேப்பம் புண்ணாக்கு ஒரு மரத்திற்கு ஒரு வருடத்திற்கு என்ற விதத்தில் அளிக்கவும்.
இரசாயன முறைகள்
- 1% போர்டோ கலவை அல்லது 0.25% காப்பர் ஆக்ஸி குளோரைடு தெளிக்கவும் (கோடைக் காலங்களில் 45 நாட்கள் இடைவெளியில் 2 முறை தெளிக்கவும்)
- கார்பன்டசிம் 2 கிராம் அல்லது ஹெக்சாகோனசோல் / டிரைடிமார்ப் 2 மிலி + 100 மிலி தண்ணீர் கலந்து (3 மாதம் இடைவெளியில் 3 முறை) வேரின் மூலம் செலுத்தவும்.
- பரிந்துரைக்கப்பட்ட உர அளவுடன் 2 கிகி கூடுதலாக பொட்டாசியம் சத்து இடவும்.
|
