தவேப வேளாண் இணைய தளம் :: பயிர் பாதுகாப்பு

பயிர் பாதுகாப்பு :: சோயாபீன் பயிரைத் தாக்கும் பூச்சிகள்

பீகார் ரோமப்புழு: ஸ்பைலோசோமா ஆப்ளிகுவா

அறிகுறிகள்

முட்டையிலிருந்து வெளிவரும் இளம் புழு இலைகளின் பச்சையத்தைச் சுரண்டி உண்ணுகிறது.
வளர்ச்சியடைந்த புழு இலைகளின் ஓரங்களைத் தின்று சேதப்படுத்தும்.
தாக்கப்பட்டசெடிகளின் இலைகள் வலைப்பின்னல் போன்று காட்சியளிக்கும்.

பூச்சியின் விபரம்

முட்டைகள் - பெண் அந்துப்பூச்சி இலைகளின் அடிப்புறத்தில் முட்டையைக் குவியல்களாக இடும்.
புழு - கருமைக் கலந்த மஞ்சள் நிற ரோமங்கள் உடலைச் சுற்றி காணப்படும்.

கட்டுப்பாடு

கோடைக்காலத்தில் நிலத்தை ஆழமாக உழுதல் வேண்டும்.
பரிந்துரைக்கப்பட்ட விதை அளவை மட்டும் பயன்படுத்த வேண்டும்.
தேவையான இடைவெளி விட்டு நட வேண்டும்.
ஊடுபயிராக மக்காச்சோளம் (அ) சோளம் ஆகியவற்றை 4:2 என்ற விகிதத்தில் பயிரிட வேண்டும்.
தாக்கப்பட்ட செடிகள், முட்டைக்குவியல் மற்றும் இளம் புழுக்களை சேகரித்து அழிக்கலாம்.
வயல்வெளியை சுத்தமாக வைத்துக் கொள்ள வேண்டும். குறைந்தது 10 நாட்களுக்கு ஒருமுறை தாக்கப்பட்ட செடிகளின் பாகங்களை சேகரித்து உரக்குழியில் இட்டு எரித்துவிட வேண்டும்.
விளக்குப் பொறியை எக்டர்க்கு 1 வீதம் அமைத்து அந்துப் பூச்சியினைக் கவர்ந்து அழிக்கலாம்.
குளோர்பைரிபாஸ் (அ) குயினால்பாஸ் மருந்தை எக்டர்க்கு 1500 மிலி எடுத்து தண்ணீருடன் கலந்துத் தெளிக்கவும்.