தாக்குதலின் அறிகுறிகள்

• இளம் புழு இலைகளின் பச்சையத்தை உண்டு சேதப்படுத்தும்.
• வளர்ச்சியடைந்த புழு பூக்கள் மற்றும் காய்களைத் துளைத்து உட்சென்று சேதப்படுத்தும்.

பூச்சியின் அடையாளம்

• முட்டைகள் - உருண்டை வடிவமுடையது. வெள்ளை நிறமாக இருக்கும்.
• புழு - பச்சைக் கலந்த பழுப்பு நிறத்திலிருக்கும். உடலின் மேற்பரப்பில் பழுப்பு நிறக்கோடும், வெள்ளை நிறக்கோடும் காணப்படும்.
• கூட்டுப்புழு - பழுப்பு நிறத்தில் இருக்கும். இலைகள், காய்கள் மற்றும் மண்ணில் கூட்டுப்புழு காணப்படும்.
• அந்துப்பூச்சி - அந்துப்பூச்சியின் பழுப்பு நிற முன் இறக்கையில் V - வடிவக்கோடு இருக்கும். பின் இறக்கையின் ஓரப்பகுதி பழுப்பு நிறத்திலிருக்கும்.

கட்டுப்பாடு

• கோடைக்காலங்களில் நிலத்தை ஆழமாக உழவேண்டும்.
• சரியான பருவத்தில் விதை நடவு செய்ய வேண்டும்.
• இனக்கவர்ச்சிப் பெரறியை 50 வீதம் அமைத்து ஆண் அந்துப்பூச்சியினைக் கவர்ந்து அழிக்கலாம்.
• பறவை இருக்கையை எக்டர்க்கு 50 வீதம் அமைப்பதன் மூலம் அந்துப்பூச்சியின் புழுக்களை அழிக்கலாம்.
• விளக்குப் பொறி அமைத்தல் (1/எக்டர்)
• தாக்கப்பட்ட பகுதிகளை சேகரித்து அகற்றுதல்.
• எக்டர்க்கு 25 முதல் 30 கிலோ வரை குயினால்பாஸ் தூளை தூவி அந்துப்பூச்சியின் தாக்குதலைக் குறைக்கலாம்.
• சேதம் அதிகமாகும் போது ப்ரப்னோபாஸ் 1 மிலி மருந்தை 1 லிட்டர் தண்ணீரில் கலந்து தெளிக்கவும்.