• தமிழ்நாட்டில் பல்வேறு மாவட்டங்களில் கரும்பு பயிரானது அதிக அளவில் பயிரிடப்பட்டு வருகிறது.
• தற்பொழுது நிலவும் தட்பவெப்ப மற்றும் உயிரியல் காரணிகளால் கரும்பில் “பொக்கோ போயிங்” என்ற நோயின் தாக்குதல் அதிகரித்து வருகிறது.
• பொக்கோ போயிங் என்பது ஒழுங்கற்ற வடிவம் (அ) சிதைந்த மேற்பகுதியைக் குறிக்கும் ஒரு “ஜாவானிய” சொல்லாகும்.
• பொக்கோ போயிங் நோயானது ஃபுசேரியம் வகை பூசணங்களால் உருவாகிறது.
• சாறு உறிஞ்சும் பூச்சியான “குருத்து மாவுப்பூச்சி” யின் தாக்குதல் இந்நோயினை தீவிரப்படுத்துகிறது.
• ஏப்ரல் – ஜூலை மாதங்களில் குருத்து மாவுப்பூச்சியின் தாக்குதல் காணப்படுவதால் “பொக்கோ போயிங்” நோய் தாக்குதலின் தீவிரமும் அதிகரிக்கிறது.
• குருத்து மாவுப்பூச்சியினைத் தொடர்ந்து எறும்புகளின் நடமாட்டமும் தென்படுகிறது.
• குருத்து மாவுப்பூச்சியிலிருந்து வெளியிடப்படும் தேன் போன்ற திரவமானது கரும்படல நோய் உருவாகக் காரணமாகிறது.
• மூன்று முதல் ஏழு மாத வயதுடைய நடவுப்பயிர்களில் இந்நோயின் தாக்குதல் தென்படும் ஆனால் மறுதாம்பு பயிரில் இந்நோய் ஒரு மாதத்திலிருந்து தென்பட ஆரம்பிக்கின்றது.

• வெளிரிய இளம் இலைகள்
  (இளம் இலைகளானது வெளிரி, சுருங்கி, திருகி வளர்ச்சி குன்றி காணப்படுதல்)
• குருத்தழுகல்
  (குருத்துப் பகுதியானது பழுப்பு நிறமாகி, அழுகி இறுதியில் அழிந்து விடுதல்)
• தண்டில் கத்திவெட்டு அமைப்பு
  தண்டில் உள்ள திசுவினை கூர்மையான கத்தியால் வெட்டியது போன்று தோற்றமளித்தல்
• இடைக்கணுக்கள் சிறுத்தல்
  கணுவிடைப்பகுதி குறுகி சிறுத்து கரும்பு பயிரானது குட்டையாக காட்சியளிக்கும்
• விதைப்பரு முளைத்தல்
  கரும்பு பயிரானது முதிர்ச்சி அடைவதற்கு முன்னரே விதைப்பருவானது முளைத்து விடுகின்றன

• ஃபுசேரியம் வகை பூசணங்கள் – ஃபுசேரியம் சக்காரி, ஃபுசேரியம் ப்ராலிபெரேட்டம், ஃபுசேரியம் வெர்ட்டிசில்லியாய்டஸ்.

சாதகமான தட்பவெப்ப சூழ்நிலை:

• வெப்பம் மிகுந்த, ஈரமான காலநிலை மற்றும் “மேகமூட்டத்துடன் கூடிய கோடை மழை” ஆகிய சாதகமான சூழ்நிலைகள் இந்நோய் உருவாவதற்கு மிக முக்கியமானவையாக இருக்கின்றன.

நோய்பரவும் விதம்:

காற்றின் மூலம் பரவக்கூடிய நோய்
முதல்நிலை பரவுதல் : காற்று
இரண்டாம் நிலை பரவுதல் : பாதிக்கப்பட்ட கரணை, மழைத்துளி, மண் மற்றும் நீர்பாசனம்