| பயிர் பாதுகாப்பு :: கரும்பு பயிரைத் தாக்கும் நோய்கள் |
வாடல் நோய்: ஃபுஸேரியம் சச்சாரி
அறிகுறிகள்:
- கரும்பு 4-5 மாதங்கள் வளர்ச்சியடைந்த பின்பே இந்நோயின் தாக்குதலைக் காண முடியும்.
- நோய் தாக்கப்பட்ட கரும்பின் குருத்து இலைகள் மஞ்சள் நிறமாக மாறி பின் முழுவதுமாகக் காய்ந்து விடும். கரும்பு சுருங்கி இலைகள் உதிர்ந்து விடும்.
- வெண்ணிற பஞ்சு போன்ற மைசீலியங்கள் இதன் சதைப்பகுதியில் தென்படும்.
- கரும்பைப் பிளந்து பார்த்தால், உட்பாகம் இளஞ்சிகப்பு அல்லது இளம் ஊதாநிறத்தில் இருக்கும். கணுவிடைப் பகுதி உட்பாகம் குழிவடைந்து படகு வடிவில் இருக்கும்.
- இந்நோய் தாக்கிய கரும்பிலிருந்து ஒரு வித துர்நாற்றம் வெளிவரும்.
|
| |
 |
 |
 |
 |
|
| |
சிவப்பு நிறம்மாறுதல் |
இலை மஞ்சளாதல் |
கரும்பில் சுருக்கம் |
இடைகன்றில் படகு வடிவ துவாரங்கள் |
|
|
நோய்க்காரணி:
- கொனிடியோஸ்போர்கள் பொதுவாக செங்குத்தாகவும் கிளைத்தும் காணப்படும். பெரும் கொனிடியாக்கள் அதிகளவில் நேரடியாகவும், 3-5 தடுப்புக்களைப் பெற்றிருக்கும். இதன் தனித்த அடிச்செல் 27-73 × 3.4-5.2 மி.மீ அளவு கொண்டவை. பிளாஸ்டோகொனீடியா நேராகவோ, சிறிது வளைந்தோ, 2-3 தடுப்புகளையும், பிறை அல்லது ஈட்டி வடிவமும் கொண்டிருக்கும். மேலும் ஒரளவு கூராகவும், பெரும்பாலும் சமச்சீரற்ற தனித்த எப்பிகல் செல் கொண்டும் அடித்தண்டு செல் 16-43 × 3.0-4.5 மி.மீ அளவு கொண்டதாகவும் இருக்கும்.
|
| |
 |
|
 |
| |
ஃபுஸேரியம் சச்சாரி |
|
கொனிடியோஸ்போர்கள |
|
கட்டுப்படுத்தும் முறை:
உழவியல் முறைகள்:
- நோயற்ற ஆரோக்கியமான விதைக் கரணைகளைப் பயன்படுத்துதல், கோ 617, பி.ப்பி 17 போன்ற எதிர்ப்பு இரகங்களை வளர்க்கவும்.
- பயிர் சுழற்சியை மேற்கொள்ளுதல், வேர்த்துளைப்பானைக் கட்டுப்படுத்துதல், நீண்ட வறட்சி அல்லது நீர்த்தேக்கப் பிரச்சினை ஏற்படாமல் வயலைப் பராமரித்தல்.
- பூஞ்சாணக் கொல்லிகளுடன் விதை நேர்த்தி செய்தல்.
வேதியியல் முறைகள்:
- பெவிஸ்டின் 0.1% கரைசலுடன் விதை நேர்த்தி செய்யவும்.
- 2 கி/லி நீரில் கார்பன்டஸிம் கலந்து கரும்பின் வேர் மண்டலப் பகுதிகளில் 15 நாட்கள் இடைவெளியில் ஊற்றவும்.
- 40 பி.பி.எம் போரான் அல்லது மாங்கனீசு கரைசலில் விதைக் கரணைகளை நனைத்துப் பின் நடுதல். அல்லது நுண்ணுாட்டச் சத்துக்கரைசலை தெளிப்பதன் மூலமும் ஓரளவு குறைக்கலாம்.
|
Content validators:
Dr. T. Ramasubramanian, Senior Scientist, Sugarcane Breeding Institute, Coimbatore-641007.
Dr.V. Jayakumar, Senior Scientist, Sugarcane Breeding Institute, Coimbatore-641007.
Dr.M. Ravi, Assistant Professor, Sugarcane Research Station, Sirugamani, Trichy- 639115.
Source of conidiophore:www.doctorfungus.org/thefungi/Fusarium_oxysporum.htm
|
|
|
