இலையுறை அழுகல் நோய்
(சரோக்லேடியம் ஒரைசே)

• இலையுறை நிறமாற்றம் ஏற்படுதல். இளம் கதிரை சுற்றியிருக்கும் இலையுறையில் அழுகல் ஏற்படும்.
• அடர் சிவப்பு கலந்த பழுப்பு நிற ஓரங்களுடனும் சாம்பல் நிற மையத்துடன் கூடிய ஒழுங்கற்ற புள்ளிகள் காணப்படும்
• புள்ளிகள் பெரிதாகி சிலசமயம் ஒன்றிணைந்து முழு இலையுறையையும் மூடிக் கொள்ளும்.
• தீவிர தாக்குதலின் போது முழு கதிர் அல்லது அதன் சில பகுதிகள் வெளிவராமல் தடுத்து இலையுறைக்குள்ளேயே இருக்கச் செய்துவிடும்.
• வெளிவராத கதிர் அழுகி பின் சிவப்பு நிறத்திலிருந்து பழுப்பு நிறமாகவும் பின் கரும்பழுப்பாகவும் மாற்றம் அடைதல்.
• தாக்கப்பட்ட கதிர் உறை மற்றும் இளம் கதிர்களின் உள்ளே வெள்ளைபொடி போன்ற வளர்ச்சி காணப்படுதல்.
• நோய் தாக்கப்பட்ட கதிர்கள் மற்றும் தானியங்கள் மலட்டுத் தன்மையாகவும், சுருங்கியும், பகுதி நிரப்பியும் அல்லது முழுவதுமாக தானியம் நிரப்பப்படாமலும், நிறமாற்றம் ஏற்பட்டும் காணப்படும்.
• கதிர் வைக்கும் பருவம் முதல் நெற்பயிர் முதிர்ச்சி நிலை முடிய நோய் தாக்கம் அதிகமாகக் காணப்படும்.

நோய் உறுதிப்படுத்துதல்:

• கதிரை சுற்றியுள்ள மேல்பரப்பு இலையுறைகளில் நோய்ப் புள்ளிகள் ஏற்படும்.
• சில கதிர்கள் வெளிவராது அல்லது பகுதி மட்டும் வெளிவந்து காணப்படும்.
• கதிர் உறை அழுகல் மற்றும் வெள்ளைப்பொடி போன்ற பூசண வளர்ச்சி ஆகியவைக் காணப்படும்.

• வெள்ளைப் பூசண இழையை உருவாக்குகிறது. அடர்த்தியற்ற கிளைகளைக் கொண்டது. தடுப்புச் சுவருடன் 1.5-2 மீட்டர் குறுக்களவு கொண்டது.
• பூசண இழையிலிருந்து உருவாகும் (கொனிடியோயபோர்ஸ்) பூசண இழைச் சிதில்கள் தழைப் பூசண இலைகளைவிட சற்று தடிப்பானதாக இருக்கும். ஒன்று அல்லது இரண்டு முறை கிளைகள் உருவாகும். ஒவ்வொரு முறையும் 3-4 கிளைகள் வட்டமைப்பில் இருக்கும்.
• இறுதி கிளைகள் கொனிடியாவை உருவாக்குகிறது. அவை நீள் உருளை வடித்திலிருந்து சற்று கதிர் வடிவமாகவும் சில சமயம் வளைந்து, நிறமில்லாமல், மென்மையாகவும் ஒரு உயிரணு கொண்டு 4-9 x 1-2.5 மீ அளவுடனும் காணப்படும்.
• சில சமயத்தில், பூசணம் நுண்ணுயிர் நோய்க் காரணிகளுடன் இணைந்து கதிருறையைத் தாக்குகிறது. கதிர் உறை தாக்குதல் ஏற்பட்டு நெல் தானியத்தில் நிறமாற்றம் ஏற்படுகிறது. ((எ.கா) சூடோமோனாஸ் ஃபுலோரசன்ஸ்)
• இலைத் துளைகளின் வழியாக பூசணம் ஊடுருவி காயங்களை ஏற்படுத்துகிறது. காற்றுக்குழாய்த்திசு மற்றும் இலை இடைத்திசுக்களின் உயிரணுக்களுக்கிடையிலே வளர்ச்சி ஏற்படுகிறது.
• தாக்கப்பட்ட பயிர்த் துார்கள் மற்றும் விதைகளின் மேல் கதிர் உறை அழுகல் பூசணம் பூசண இலையாக நிலைத்திருக்கிறது.

நோய்க்கு ஏற்ற நிலைகள்:

   அதிக அளவிலான தழைச்சத்து, அதிக ஈரப்பதம், அடர்த்தியான பயிர் வளர்ச்சி கதிர் உறை அழுகல் நோய் வளர்ச்சியை மேம்படுத்துகின்றது. 20-28 செ வெப்பநிலை பூசண வளர்ச்சிக்கு ஏற்றதாக உள்ளது.

• சூடோமோனாஸ் ஃபுளோரோசன்ஸ் நுண்ணுயிரிடுதல் மூலம் கதிரழுகல் தீவிரத்தை 20-42 சதவிகிதம் வரை குறைக்கிறது. பயிர் வளர்ச்சியைத் துாண்டி தானிய மகசூலை அதிகரிக்கிறது.
• சூடோமோனாஸ் ஃபுளோரோசன்ஸ் @ 10 கிராம்/கிலோ விதையுடன் விதை நேர்த்தி செய்ய வேண்டும். அதனைத் தொடர்ந்து 2.5 கிலோ/பொருள்கள்/எக்டர் 100 லிட்டர் நீருடன் கலந்து அந்த கலவையில் நாற்றுக்களை 30 நிமிடங்கள் நன்கு நனையவிட வேண்டும்.
• நடவு செய்து 30 நாட்களுக்குப்பிறகு “சூடோமோனாஸ் ஃபுளோரோசன்ஸ்” @ 2.5 கிலோ/எக்டர் மண்வழி மூலம் 50 கிலோ தொழு உரம்/ மணலுடன் கலந்து அளிக்க வேண்டும்
• சூடோமோனாஸ் ஃபுளோரோசன்ஸ்” 0.2% செறிவுடன் நடவு செய்து 45 நாட்களிலிருந்து 10 நாட்கள் இடைவெளியில் அளித்தல் வேண்டும்.

• பயிர் அறுவடைக்குப்பின் நோய் தாக்கப்பட்ட பயிர்த் துார்களை அகற்ற வேண்டும்.
• உகந்த பயிர் இடைவெளி விடவேண்டும்.
• துார்விடும் பருவத்தில் சாம்பல் சத்து அளிக்கவேண்டும்.
• களைகளைக் கட்டுப்படுத்தி வயலைத் துாய்மையாக வைக்க வேண்டும்.

• கதிர் வெளிவருதலின் போது பூசணக்கொல்லிகளை தெளித்தல் வேண்டும்.
• அதிக கொள்ளளவு கொண்ட தெளிப்பான்களைப் பயன்படுத்தி மட்டுமே எடிபென்பாஸை அளிக்க வேண்டும்.
• ட்ரைடென்மார்ஃப் மற்றும் பாஸ்பமிடான் இரண்டையும் கலந்து அளிக்கவேண்டும்.
• மேன்கோசெப் மற்றும் பெனோமைல் போன்ற பூசணக் கொல்லிகளுடன் விதை நேர்த்தி செய்யவேண்டும்
• கதிர் இலைப்பருவத்தில் கார்பன்டசீம், எடிபென்ஃபாஸ் அல்லது மேன்கோசெப் தெளிக்கவேண்டும்
• கார்பன்டசீம் 250 கிராம் (அல்லது) குளோரோதலோனில் 1 கிலோ (அல்லது) எடிபென்பாஸ் 1 லிட்டர்/எக்டர் ஆகிய ஏதோ ஒன்றை தெளிக்கவேண்டும்.
• பெனோமைல் மற்றும் காப்பர் ஆக்ஸிக்லோரைடேன் இலைவழித் தெளிப்பு மேற்கொள்வது சிறப்பாகக் கருதப்படுகிறது.