வெட்டுப்புழு

• புழுக்கள் அதிகளவில் நாற்றுக்களின் குருத்து பகுதியை வெட்டி உண்ணும்.
  
• தாக்குதல் தீவிரமடையும் போது, வயல் முழுவதும் மேயப்பட்டது போல் தோற்றமளிக்கும்.
  
• புழுக்கள் கூட்டம் கூட்டமாக அருகேயுள்ள வயலுக்கு செல்லும்.

• மாலை வேளைகளில் புழுக்கள் கூட்டம் கூட்டமாக படையெடுத்து சென்று காலை வரை நெல் நாற்றுக்களின் இலைகளை கடித்து உண்டு விட்டு, பகல் வேளைகளில் மண்ணிற்குள் மறைந்து கொள்ளும்.
• தீவிர தாக்குதலின் போது இலைகள் மேய்ந்தது போன்று தோற்றமளிக்கும். தாக்கப்பட்ட பயிர்களில் தண்டுகள் மற்றும் தூர்கள் மட்டுமே எஞ்சி நிற்கும்.
• வெட்டுக்கிளியின் முதிர்பூச்சி மற்றும் இளம் குஞ்சுகள் இலைகளை உண்ணும். தீவிர தாக்குதல்ன் போது இலை முழுவதையும் தின்றுவிடும்
• கதிர் பருவத்தில் முதிர்பூச்சிகள் இளம் பூக்களை (அ) கதிர் மணிகளை (அ) கதிர் காம்பின் அடிப்பகுதியை கடித்து உண்ணுவதால் வெண்கதிர் தோன்றுகிறது.

• முட்டை:
  முட்டைகள் வட்டமாக, பால் வெள்ளை நிறத்தில், சாம்பல் நிற முடிகளுடன் கூட்டமாக இடப்பட்டிருக்கும்.
  
  
• புழு :
  புழுக்களின் இளம் வளர்ச்சி நிலையில் மங்கிய பச்சை நிறத்திலும், மேல்புறம் மற்றும் பக்கவாட்டில் மஞ்சள் கலந்த வெள்ளை நிற கோடுகளுடனும் காணப்படும். பின்னர் அவை அரை வட்ட வடிவமாக, அடர்பழுப்பு அல்லது சாம்பல் கலந்த பச்சை நிறத்தில், பக்கவாட்டில் கருப்புப் புள்ளிகளுடனும் காணப்படும்.
  
  
• கூட்டுப்புழு:
  மண்ணில் கூட்டுப்புழுவை உருவாக்குகின்றன. அடர்பழுப்பு நிறத்தில் 16-17 மி.மீ நீளத்துடன் காணப்படும்.
  
  
• முதிர்பூச்சி :
  முதிர் அந்துப்பூச்சிகள் நடுத்தர அளவில், பருமனாக அடர்பழுப்பு நிறத்தில் இருக்கும். முன் இறக்கைகளில் நன்கு தெரிகிற முக்கோண வடிவ கரும்புள்ளிகள் காணப்படும். பின் இறக்கைகள் பழுப்பு கலந்த வெள்ளை நிறத்தில், ஓரங்களில் மெல்லிய கருப்பு நிறத்துடன் காணப்படும்.

உழவியல் முறைகள் :

• நாற்றங்காலிலிருந்து நீரை வெளியேற்ற வேண்டும்.
  
  
• நாற்றங்காலில் நீர் பாய்ச்சுவதால் மறைந்திருக்கும் புழு மற்றும் முட்டைகள் மண்ணின் மேற்பரப்பிற்கு வருகின்றன். அவற்றை பறவைகள் கொத்தி உண்ணும்.
  
  
• நீரில் மண்ணெண்ணெய் கலந்து அளிக்கும் போது புழுக்கள் மூச்சு திணறி மடிந்துவிடும்
  
  
• வயலில் வாத்துக்களை விட்டு புழுக்களை உண்ணச்செய்யலாம்.

இராசயன முறைகள் :

• நாற்றங்காலிலிருந்து நீரை வடித்து விட்டு, குளோரபைரிபாஸ் 20இ.சி. 80 மி.லி. (அ) மோனோகுரோட்டோபாஸ் 36 டபல்யு.எஸ்.சி 500மி.லி./ எக்டர் என்ற அளவில் மாலை வேளைகளில் தெளிக்கவேண்டும்.
  
  
• 5-10% பி.எச்.சி. (அ) மீத்தைல் பாரத்தியான் 2%-யை ஒரு எக்டருக்கு 25-30 கிலோ என்ற அளவில் தூவவேண்டும்.
  
  
• மாலத்தியான் 5%@ 20 கிலோ/எக்டர் என்ற அளவில் தூவவேண்டும்.
  
  

• டேக்கினிட்ஸ், இச்னுாமோனிட்ஸ், யூலோபிட்ஸ், கால்கிட்ஸ் மற்றும் குளவி வகைப் பூச்சிகளை ஒட்டுண்ணிகளாய் வயலில் வெளியிட செய்து வெட்டுப்புழுவை கட்டுப்படுத்தலாம்.
  
  
• வெட்டுக்கிளி, எறும்புகள், பறவைகள் மற்றும் சூரினத்தேரை ஆகிய பூச்சிகள் வெட்டுப்புழுவை உண்ணும்.