இனங்கள்

செம்மறியாட்டினங்கள்

1.மேச்சேரி

இவ்வினம் தமிழ்நாட்டின் சேலம் கரூர், ஈரோடு, நாமக்கல் மாவட்டங்களிலும், தருமபுரி மாவட்டத்தின் ஒரு சில பகுதிகளிலும் காணப்படுகின்றது.
இறைச்சி உற்பத்திக்காகப் பயன்படுகிறது
நடுத்தர உடலமைப்பு கொண்டது. இதனுடைய தோல் வெளிறிய சிவப்பு நிறத்தில் இருக்கும்.
கிடாவுக்கும், பெட்டை ஆடுகளுக்கும் கொம்புகள் கிடையாது
வால் குட்டையாகவும், மெலிதாகவும் இருக்கும்
வளர்ச்சியடைந்த கிடா 36 கி.கி எடையுடனும், பெட்டை ஆடுகள் 22 கி.கி எடையுடனும் இருக்கும்.

2. சென்னை சிவப்பு

இவ்வினம் தமிழ்நாட்டின் சென்னை, காஞ்சிபுரம், விழுப்புரம் மற்றும் திருவண்ணாமலை மாவட்டங்களில் காணப்படுகின்றது.
இறைச்சி உற்பத்திக்காகப் பயன்படுகின்றது
சிவப்பு நிறம், இளம்சிவப்பு முதல் கரும்சிவப்பு வரை கொண்டது
சில ஆடுகளுக்கு முன்நெற்றி, அடிவயிறு மற்றும் கால்களுக்கிடையில் வெள்ளைநிறம் காணப்படும்
வளர்ந்த கிடா 36 கி.கி எடையுடனும், பெட்டை ஆடுகள் 24 கி.கிஎடையுடனும் இருக்கும்.

3. இராமநாதபுரம் வெள்ளை

இவ்வினம் தமிழ்நாட்டின் இராமநாதபுரம், சிவகங்கை மற்றும் விருதுநகர் மாவட்டங்களில் காணப்படுகின்றது.
இறைச்சி உற்பத்திக்காக பயன்படுகிறது
நடுத்தர உடலமைப்பைக் கொண்டது
பெரும்பாலும் வெள்ளை நிறத்திலிருந்தாலும் சில ஆடுகளில் உடல் முழுவதும் கருமைநிறப் பட்டைகள் காணப்படும்
கிடாவுக்கு முறுக்கிய வளைந்த கொம்புகள் உண்டு, பெட்டைக்கு கொம்புகள் கிடையாது.
கால்கள் சிறியதாகவும், மெலிந்தும் காணப்படும்
வளர்ந்த கிடா 31 கி.கி எடையுடனும், பெட்டை ஆடுகள் 23 கி.கி எடையுடனும் இருக்கும்

4.கீழக்கரிசல்

இவ்வினம் தமிழ்நாட்டின் இராமநாதபுரம், சிவகங்கை மற்றும் திருநெல்வேலி மாவட்டங்களில் காணப்படுகின்றது
இறைச்சி உற்பத்திக்காக பயன்படுகின்றது
நடுத்தர உடலமைப்பைக் கொண்டது
கருஞ்சிவப்பு நிறம் கொண்டது. தலை, வயிறு மற்றும் கால்களில் கருமைநிறம் காணப்படும்
வால் சிறியதாகவும், மெலிந்தும் காணப்படும்
கிடாவுக்கு தடித்த, முறுக்கிய கொம்புகள் உண்டு
பெரும்பாலான ஆடுகளில் கீழ்தாடையில் தாடி (வாட்டில்) காணப்படும்.
வளர்ந்த கிடா 29 கி.கி எடையுடனும், பெட்டை ஆடுகள் 22 கி.கி எடையுடனும் இருக்கும்.

5.வேம்பூர்

இவ்வினம் தமிழ்நாட்டின் தூத்துக்குடி மாவட்டத்தின் வேம்பூர், மேலக்கரந்தை, கீழக்கரந்தை, நாகலாபுரம் பகுதிகளிலும் மற்றும் விருதுநகர் மாவட்டத்திலும் காணப்படுகிறது.
இறைச்சி உற்பத்திக்காக பயன்படுகிறது
இவை உயரமான ஆடுகளாகும்
வெள்ளை நிற உடலில், சிவப்பு நிறப்புள்ளிகளுடன் காணப்படும்
தொங்கும் காதுகளைக் கொண்டது
வால் குட்டையாகவும், மெலிந்தும் காணப்படும்
கிடாவுக்குக் கொம்பு உண்டு. பெட்டைக்குக் கொம்பு இல்லை
வளர்ந்த கிடா 35 கி.கி எடையுடனும் பெட்டை 28 கி.கி எடையுடனும் இருக்கும்

6. நீலகிரி

இவ்வினம் தமிழ்நாட்டின் நீலகிரி மாவட்டத்தில் காணப்படுகிறது
மென்மையான ரோம உற்பத்திக்காகப் பயன்படுகிறது
நடுத்தர உடலமைப்பைக் கொண்டது
பெரும்பாலும் வெண்மை நிறத்தில் காணப்பட்டாலும், சில ஆடுகளில் உடல் மற்றும் முகம் பழுப்பு நிறத்தில் காணப்படும்
அகன்ற தொங்கும் காதுகளைக் கொண்டது
பெட்டைக்குக் கொம்பு இல்லை
வளர்ந்த கிடா மற்றும் பெட்டை ஆடுகள் 31 கி.கி எடையுடன் இருக்கும்

7. திருச்சி கருப்பு

இவ்வினம் தமிழ்நாட்டின் திருச்சி, பெரம்பலூர், தருமபுரி மற்றும் சேலம் மாவட்டங்களில் காணப்படுகிறது
முரட்டு ரோம உற்பத்திக்குப் பயன்படுகிறது
சிறிய உடலமைப்பைக் கொண்டது
உடல் முழுவதும் கருமை நிறம் கொண்டது
கிடாவுக்குக் கொம்பு உண்டு. பெட்டைக்குக் கொம்பு இல்லை
காதுகள் சிறியதாகவும், முன்னோக்கியும், கீழ்நோக்கியும் இருக்கும்
வளர்ந்த கிடா 26 கி.கி எடையுடனும் பெட்டை 19 கி.கி எடையுடனும் இருக்கும்

8.கோயம்புத்தூர்

இவ்வினம் தமிழ்நாட்டின் கோயம்புத்தூர் மாவட்டத்தில் காணப்படுகிறது
முரட்டு ரோம உற்பத்திக்குப் பயன்படுகிறது
நடுத்தர உடலமைப்பைக் கொண்டது
பொதுவாக வெண்மை நிறம் கொண்டது. தலை மற்றும் கழுத்துப் பகுதிகளில் கருப்பு அல்லது பழுப்பு நிறம் காணப்படும்
30 சதவிகித பெட்டை ஆடுகளில் கொம்புகள் கிடையாது
வளர்ந்த கிடா 25 கி.கி எடையுடனும் பெட்டை 20 கி.கி எடையுடனும் இருக்கும்

9. டெக்கானி

இவ்வினம் ராஜஸ்தான் மாநிலத்தின் மென்மையான ரோமம் கொண்ட செம்மறியாட்டினத்தையும் ஆந்திரப் பிரதேசம் மற்றும் தமிழ்நாட்டின் முரட்டு ரோமம் கொண்ட இனங்களையும் கலந்து உருவாக்கப்பட்டது
இவ்வினம் மும்பை டெக்கான் பகுதிகளிலும், கர்நாடக மாநிலத்தின் ஒருசில பகுதிகளிலும், ஆந்திர பிரதேசத்திலும் காணப்படுகின்றது.
சிறிய மற்றும் கடினமான உடலமைப்பைக் கொண்டது
வறண்ட சூழ்நிலைகளையும் தாங்கக்கூடிய திறன் பெற்றது
கருமை மற்றும் மிதமான கருமை நிற ரோமத்தினைக் கொண்டது
ஒரு செம்மறியாட்டிலிருந்து ஒரு ஆண்டில் 4.54 கி.கி ரோமத்தினை உற்பத்தி செய்யலாம்.
இவ்வினத்திலிருந்து உற்பத்தி செய்யப்படும் ரோமங்கள் முரட்டு மற்றும் மென்மையான ரோமங்கள் கலந்திருப்பதால் தரம் குறைவாகக் காணப்படுகிறது. எனவே கம்பளங்கள் தயாரிக்கக் பயன்படுகிறது.
பெரும்பாலும் இவ்வினம் இறைச்சி உற்பத்திக்காகக் பயன்படுகிறது

10. நெல்லூர்

இவ்வினம் ஆந்திரப் பிரதேசத்தின் நெல்லூர், பிரகாசம் மற்றும் ஓங்கோல் மாவட்டங்களில் காணப்படுகிறது
இவை உயரமான ஆடுகளாகும். கழுத்து மற்றும் முதுகுப் பகுதிகளைத் தவிர உடலில் குறைவான ரோமங்களைக் கொண்டது
கிடாவுக்குக் கொம்பு உண்டு. பெட்டைக்குக் கொம்பு இல்லை
பெரும்பாலான ஆடுகளில் தாடி (வாட்டில்) இருக்கும்.
வளர்ந்த கிடா 36 கி.கி எடையுடனும் பெட்டை 28 கி.கி எடையுடனும் இருக்கும்
இந்தியாவிலேயே மிக உயரமான செம்மறியாடு, வெள்ளாடு போன்ற தோற்றமுடையது
மிக நீண்ட முகம் மற்றும் காதுகளைக் கொண்டது.
பொதுவாக பழுப்பு அல்லது சிவப்பு கலந்த பழுப்பு நிறத்தில் காணப்படும்.

11. மாண்டியா

இவ்வினம் கர்நாடகா மாநிலத்தின் மாண்டியா மாவட்டத்தில் காணப்படுகிறது
சிறிய உடலமைப்பைக் கொண்டது
பொதுவாக வெண்மை நிறம் உடையது. சில ஆடுகளில் முகம் மற்றும் கழுத்து வரையிலும் பழுப்பு நிறம் காணப்படும்
பின்புறத்திலிருந்து பார்க்கும்பொழுது `Ç’ (தலைகீழான ஆங்கில எழுத்து ரு) வடிவத்தில் காணப்படும்
நீண்ட இலை வடிவத்திலான காதுகள் தொங்கிக்கொண்டிருக்கும்
கிடா மற்றும் பெட்டை ஆடுகளில் கொம்புகள் கிடையாது
வளர்ந்த கிடா 35 கி.கி எடையுடனும் பெட்டை 23 கி.கி எடையுடனும் இருக்கும்
இந்திய செம்மறியாட்டினங்களில் மிகச்சிறந்த இனமாகும்

12. மார்வாரி

தரைவிரிப்புகளை தயாரிக்கப் பயன்படும் முரட்டு ரோம உற்பத்திக்குப் பயன்படுகிறது
நீளமான கால்களும் கருமையான முகமும் பெரிய மூக்கினையும் கொண்டது
சில ஆடுகளில் வாட்டில்கள் காணப்படும்
வால் குட்டையாகவும், கூர்மையாகவும் காணப்படும்
இவ்வினம் ராஜஸ்தான் மாநிலத்தின் ஜோத்பூர் மற்றும் ஜெய்பூர் மாவட்டங்களில் காணப்படுகின்றது. டாலி மற்றும் பார்மர் மாவட்டங்களிலும் வளர்க்கப்பட்டன
இவ்வின ஆடுகள் மேய்ச்சலுக்காக மிக நீண்ட தொலைவிலுள்ள உத்திரப்பிரதேசம், மத்தியப் பிரதேசம் மற்றும் மஹாராஷ்டிரா மாநிலங்களிலுள்ள பகுதிகளுக்குக் கொண்டு செல்லப்படுகின்றன.
இவ்வின ஆடுகள் நோய் மற்றும் அக ஒட்டுண்ணிகளுக்கான எதிர்ப்புச் சக்தியைக் கொண்டுள்ளன.

13. காடி

சிறிய உடலமைப்பைக் கொண்டது
ஜம்மு மாநிலத்தின் கிஸ்த்துவார், படார்வா பகுதிகளில் காணப்படுகிறது
குளிர்காலத்தில் இமாசலப்பிரதேசத்தின் குலுவாலி பகுதிகளிலும், கோடைக்காலத்தில் பிர்பாஞ்சல் மலைப்பகுதிகளிலும் படார் பகுதிகளிலும் வளர்க்கப்படுகிறது
கிடாவுக்குக் கொம்பு உண்டு. பெட்டைக்குக் கொம்பு இல்லை
பொதுவாக ரோமம் வெண்மை நிறத்திலும், முகத்தில் பழுப்பு நிற முடியும் காணப்படும்.
மென்மை ரோமம் ஒரு ஆட்டிலிருந்து ஆண்டொன்றிற்கு மூன்று முறை வெட்டப்பட்டு 1.13 கி.கி வரை பெறப்படுகின்றது
தரம் உயர்ந்த குலு போர்வைகளும் கம்பளங்களும் தயாரிக்கப்படுகின்றன

அயல்நாட்டின செம்மறியாட்டினங்கள்

1.சபோல்க்

இங்கிலாந்து நாட்டைச் சார்ந்த இனமாகும்
பெரிய உடலமைப்பைக் கொண்டது
முகம், காதுகள் மற்றும் கால்களில் கருமை நிறம் உடையது
தலை மற்றும் காதுகளில் ரோமங்கள் கிடையாது
கிடா மற்றும் பெட்டைகளில் கொம்புகள் கிடையாது
ஒரு சில கிடாக்களில் கொம்புகள் இருக்குமிடத்தில் மொட்டுகள் காணப்படும்
ஒரு ஆட்டிலிருந்து ஆண்டொன்றிற்கு 2.3 கி.கி ரோமம் உற்பத்தி செய்ய இயலும்
வளர்ந்த கிடா 100-135 கி.கி எடையுடனும், பெட்டை 70-100 கி.கி எடையுடனும் இருக்கும்
பெட்டை ஆடுகள் அதிகம் பால் உற்பத்தி செய்யக்கூடிய திறன் பெற்றவை
இவ்வின ஆடுகள் இந்தியாவில் இறக்குமதி செய்யப்பட்டிருந்தாலும் டார்செட் இன ஆடுகளைவிட குறைவான செயல் கொண்டவையாக இருந்தன

2.மெரினோ

ஸ்பெயின் நாட்டைச் சேர்ந்த இவ்வின ஆடுகள் மென்மையான ரோம உற்பத்திக்குப் புகழ் பெற்றவை
வெண்மையான முகமும், காதுகளும் கொண்டவை
கிடாவுக்குக் கொம்பு உண்டு. பெட்டைக்குக் கொம்பு இல்லை
பெரும்பாலான ஆடுகளில் தலையும், கால்களும் ரோமத்தினால் மூடப்பட்டிருக்கும்
வறண்ட மற்றும் மாறுபட்ட சீதோஷ்ண நிலைகளிலும் நன்கு வளரக்கூடிய திறன் கொண்டது
மற்ற இனங்களைக் காட்டிலும் இவ்வினப் பெட்டை ஆடுகள் அதிக காலம் வாழக்கூடிய, உற்பத்தி செய்யக்கூடிய திறன் பெற்றுள்ளது.

3.ராம்புல்லியட்

இவ்வின ஆடுகள் பிரான்ஸ் நாட்டைச் சார்ந்தவை.
பெரிய தலையும், காதுகள் மற்றும் மூக்கினைச் சுற்றி வெண்மை ரோமங்கள் காணப்படும்
கிடாக்களுக்குக் கொம்பு உண்டு, பெட்டைக்குக் கிடையாது
கிடா 125 கி.கி எடையுடனும், பெட்டை அதிகபட்சமாக 90 கி.கி எடையுடனும் இருக்கும்
தரம் உயர்ந்த மென்மையான ரோம உற்பத்திக்குப் பயன்படுகிறது

4.செவியாட்

ஸ்காட்லாந்து நாட்டை சார்ந்த இவ்வின ஆடுகள் நடுத்தர உடலமைப்பைக் கொண்ட ரோம உற்பத்திக்கான ஆடுகள் ஆகும்
காதுகள் நீண்டு கொண்டு இருக்கும். முகம் மற்றும் கால்கள் வெண்மை நிறத்துடனும், சிறிய ரோமங்களோடு காணப்படும்.
மூக்கு, உதடுகள் மற்றும் பாதங்கள் கருமை நிறத்தில் காணப்படும்
கிடா 80 கி.கி எடையுடனும், பெட்டை 55 கி.கி எடையுடனும் இருக்கும்

5.சவுத் டவுன்

இவ்வின ஆடுகள் மிகப்பழமையான ஆங்கில இன ஆடுகளாகும்
பல புதிய இனங்கள் தோன்றுவதற்கு காரணமாக அமைந்துள்ளன
இறைச்சி உற்பத்திக்காக பயன்படுகிறது
தலை அகலமாகவும், முகம் இளம் பழுப்பு நிறத்திலும் அகன்ற கால்களையும் கொண்டது
கிடா 80 கி.கி எடையுடனும், பெட்டை 55 கி.கி எடையுடனும் இருக்கும்

வெள்ளாட்டினங்கள்

இந்திய வெள்ளாட்டினங்கள்

1.ஜமுனாபாரி

இவ்வின ஆடுகள் உத்திரப்பிரதேச மாநிலத்தைச் சார்ந்தது
உடல் வெண்மை நிறத்திலும், கருமை நிறப் புள்ளிகள் கழுத்திலும் காதுகளிலும் காணப்படும்
இந்த இன ஆடுகள் உயரமாகவும், பெரிய உடலமைப்பையும், இந்திய இன ஆடுகளிலேயே நீண்ட கால்களையும் கொண்டது
ரோமானிய மூக்கும் அதன் மேலுள்ள முடிக்கற்றையும் இதற்கு கிளியின் வாயைப் போன்ற தோற்றத்தை அளிக்கிறது.
கொம்புகள் குட்டையாகவும், தட்டையாகவும் பின்னோக்கி முறுக்கியும் காணப்படும்
தொடைப் பகுதியில் நீண்ட முடிக்கற்றைகள் காணப்படும்
நீண்ட தொங்கும் காதுகளைக் கொண்டது
வளர்ந்த கிடா 90-100 செ.மீ உயரமும் 65-80 கி.கி எடையுடனும், பெட்டை 70-80 செ.மீ உயரமும் 45-60 கி.கி எடையுடனும் இருக்கும்
பொதுவாக பெட்டை ஆடுகள் 20-25 மாத வயதில் முதல் குட்டி ஈனும், பிறந்த குட்டியின் எடை 4 கி.கி இருக்கும்.
ஒரு நாளைக்கு 2-2.5 கி.கி பால் உற்பத்தி செய்யக்கூடிய திறன்பெற்றது. ஆண்டொன்றிற்கு 274 நாட்களில் 280 கி.கி பால் உற்பத்தி செய்யும். பாலில் கொழுப்புச் சத்து 3 முதல் 3.5 சதவிகிதம் இருக்கும்.

2. பீட்டல்

இவ்வின ஆடுகள் பஞ்சாப் மாநிலத்தில் உள்ளன
பால் மற்றும் இறைச்சிக்காக வளர்க்கப்படுகின்றன
ஜமுனாபாரி ஆடுகளை விட உயரத்தில் சிறியவை
சிவப்பு நிறத்துடன் வெண்புள்ளிகள் உடல் முழுவதும் காணப்படும்
கிடாக்களுக்கு தாடி உண்டு
முதல் குட்டி ஈனும் வயது 20-22 மாதங்கள் மற்றும் பிறந்த குட்டியின் எடை 3 கி.கி
வளர்ந்த கிடா 50-70 கி.கி எடையுடனும் இருக்கும்
நாளொன்றுக்கு 1-2 கி.கி, ஆண்டொன்றுக்கு 177 நாட்களில் 591.5 கி.கி பால் உற்பத்தி செய்யும் திறன் உடையது.

3. பார்பாரி

குறைந்த ரோமமும், நீண்ட கொம்புகளும் கொண்ட இவ்வின ஆடுகள் டில்லி, உத்திரப்பிரதேசம் மாநிலங்களிலும் ஹரியானா மாநிலத்தின் குர்கயான், பானிபட், கர்னால், ரோடக் பகுதிகளிலும் காணப்படுகிறது.
பால் மற்றும் இறைச்சி உற்பத்திக்கு பயன்படுகிறது
உடல் வெண்மை நிறத்திலும், பழுப்பு நிறப் புள்ளிகளுடனும் காணப்படும்
வளர்ந்த கிடா 35-45 கி.கி எடையுடனும், பெட்டை 25-35 கி.கி எடையுடனும் இருக்கும்
சிறந்த இனப்பெருக்கத்திறன் உடையது 12-15 மாதங்களில் இருமுறை குட்டி ஈனும். ஒவ்வொரு முறையும் 2-3 குட்டிகள் ஈனும்
தினமும் 1-1.5 கி.கி பால் கொடுக்கக்கூடிய திறன் பெற்றது.
கொட்டில் முறையில் வளர்க்கும்பொழுது தினசரி பால் உற்பத்தி 0.90-1.25 கி.கி
பாலின் கொழுப்புச் சத்து 5ரூ பால் கொடுக்கும் காலம் 108 நாட்கள் என இதன் உற்பத்தித் திறன் பதிவு செய்யப்பட்டுள்ளது.

4.தலைச்சேரி

மலபாரி ஆடுகள் எனவும் அழைக்கப்படுகிறது
கேரளா மாநிலத்தில் காணப்படுகிறது
இறைச்சி உற்பத்திக்காக பயன்படுகிறது
வெள்ளை, பழுப்பு மற்றும் கருமை நிறங்களில் காணப்படுகிறது
வளர்ந்த கிடா 40-50 கி.கி எடையுடனும், பெட்டை 30-40 கி.கி எடையுடனும் இருக்கும்
தினமும் 1-2 கி.கி பால் உற்பத்தி செய்யும் திறன் பெற்றது
சிறந்த இனப்பெருக்கப் பண்புகளை உடையது
ஓவ்வொரு முறையும் 2-3 குட்டிகள் ஈனும் திறன் பெற்றவை

5.சிரோகி

பழுப்பு நிறத்தில் கருப்பு அல்லது வெளிறிய நிறத்தில் திட்டுகள் காணப்படும்
நடுத்தர உடலமைப்பைக் கொண்டது
வால் சுருண்டு காணப்படும்
கொம்புகள் குட்டையாகவும், முன்னோக்கியும் பின்னோக்கியும் வளைந்தும் காணப்படும்
பிறந்த குட்டியின் எடை 2 கி.கி வளர்ந்த கிடா 50 கி.கி எடையுடனும், பெட்டை 23 கி.கி எடையுடனும் இருக்கும்
வருடத்திற்கு ஒருமுறை குட்டி ஈனும், பொதுவாக இரட்டைக் குட்டிகள் ஈனும்
முதல் குட்டி ஈனும் வயது 19 மாதங்கள்
175 நாட்களில் 71 கி.கி பால் உற்பத்தி செய்யும் திறன் பெற்றது

6.உஸ்மனாபாடி

பெரும்பாலும் கருமை நிறத்திலும் அல்லது வெள்ளை, பழுப்பு நிறத்திலும் காணப்படும்
நீண்ட அல்லது குட்டையான ரோமங்களைக் கொண்டது
உயரமான மற்றும் பெரிதான உடல் மற்றும் கால்களைக் கொண்டது
பிறந்த குட்டியின் எடை 2.4 கி.கி
வருடத்திற்கு ஒரு முறை குட்டி ஈனும்
முதல் குட்டி ஈனும் வயது 19-20 மாதங்கள்
இறைச்சி உற்பத்திக்காக பயன்படுகிறது
தினசரி 3.5 கி.கி பாலும், ஒரு பால் கொடுக்கும் காலத்தில் 170-180 கி.கி பால் உற்பத்தி செய்யும் திறன் பெற்றது.

7.கன்னி ஆடு

உயரமான ஆடுகள்
தமிழ்நாட்டின் திருநெல்வேலி மற்றும் இராமநாதபுரம் மாவட்டங்களில் காணப்படுகின்றது
உடல் முழுவதும் கருமை நிறத்திலும் முகத்தின் இரு பக்கங்களிலும் அடிவயிறு, கால்களில் வெண்மை நிறம் காணப்படும்
இறைச்சிக்காக வளர்க்கப்படுகின்றது
ஓவ்வொரு முறையும் 2-3 குட்டிகள் ஈனும்
வளர்ந்த கிடா 35-40 கி.கி எடையும் பெட்டை 25-30 கி.கி எடையும் இருக்கும்

8.கொடி ஆடு

உயரமான இவ்வின ஆடுகள் தமிழ்நாட்டின் சிவகங்கை, இராமநாதபுரம், தூத்துக்குடி மாவட்டங்களில் உள்ளன
பெரும்பாலும் கருமைநிறத்தில் காணப்படுகின்றது
ஒவ்வொரு முறையும் 1-2 குட்டிகளை ஈனும்
ஆடுகளின் மேய்ச்சலின்போது வழிகாட்டியாக செயல்பட பயன்படுகிறது

9.வங்காள கருப்பு

பொதுவாக கருமைநிறத்தில் காணப்படுகிறது. மென்மையான, பளப்பளப்பான சிறிய ரோமங்களைக் கொண்டது
சிறிய உடலமைப்பு, குட்டையான கால்கள், கிடா, பெட்டை இரண்டிலும் தாடி உண்டு
கிடா 15 கி.கி எடையுடனும் பெட்டை 12 கி.கி எடையுடனும் இருக்கும்
சிறந்த பொருளாதார பண்புகளைக் கொண்டது
ஓவ்வொரு முறையும் 2,3 அல்லது 4 குட்டிகள் வரை ஈனும்
வருடத்திற்கு இருமுறை குட்டிகள் ஈனும். சராசரி குட்டி ஈனும் திறன் 2.1
முதல் குட்டி ஈனும் வயது 9-10 மாதங்கள்
பால் கொடுக்கும் காலம் 90-120 நாட்கள், பாலின் அளவு 53 கி.கி
இதன் தோல் மிகுந்த தரம் உடையது. தரம் உயர்ந்த காலணிகள் தயாரிக்கப் பயன்படுகிறது

10.செகு

பெரும்பாலும் வெண்மை நிறத்தில் காணப்பட்டாலும், பழுப்பு கலந்த இளஞ்சிவப்பு நிறத்திலும் காணப்படும்
பிறந்த குட்டியின் எடை 2.0 கி.கி, வளர்ந்த கிடா 39 கி.கி எடையுடனும், பெட்டை 26 கி.கி எடையுடனும் இருக்கும்
வருடத்திற்கு ஒரு முறை ஒரு குட்டி ஈனும்
பால் கொடுக்கும் காலம் 187 நாட்கள், பாலின் அளவு 69 கிகி
உப்பு மற்றும் சிறிய அளவு சுமைகளை தூக்கிச் செல்லப் பயன்படுகிறது
சிறிய காதுகளையும், நடுத்தர கால்களையும் கொண்டது
நீண்ட ரோமங்களைக் கொண்டது
கொம்புகள் வளைந்தும் முறுக்கியும் காணப்படும்
பாஸ்மினா எனும் ரோமத்திற்காக வளர்க்கப்படுகிறது

11.சங்தங்கி

பொதுவாக வெள்ளை நிறத்தில் காணப்படும். மேலும் பழுப்பு, சாம்பல், கருமை நிறத்திலும் காணப்படும்
பாஸ்மினா எனப்படும் ரோம உற்பத்திக்காக வளர்க்கப்படுகின்றது
வலிமையான, குட்டையான உடல் மற்றும் கால்களைக் கொண்டது
பெரிய அரைவட்ட வடிவில் வளைந்த கொம்புகளைக் கொண்டது
வருடத்திற்கு ஒரு முறை ஒரு குட்டி ஈனும்
முதல் குட்டி ஈனும் வயது 20 மாதங்கள்
பிறந்த குட்டியின் எடை 2.1 கி.கி

மேலே செல்க