எஸ்பிரஸ்சோ (Espresso)

• மிகச்சூடான நீரை உயர் அழுத்தத்தில் வைக்கப்பட்ட இறுக்கமான பொடித்த காப்பி வழியாக செலுத்தி வடிகட்டப்படும். வடிக்கப்பட்ட காப்பி அடர்த்தியாக கரையும் கூறுகளைக் கொண்டதாகவும் இருக்கும்.

ஒலியாங் (Oliang)

• பொதுவாக இது தாய்லாந்து ஐஸ் காப்பி என்று அழைக்கப்படும். ஒலியாறு காப்பி, சோயாபீன்ஸ், சோளம், எள் போன்றவற்றை சேர்த்து செய்யப்படும்.

கபே அமெரிக்கானா (Cafe Americano)

• எஸ்பிரஸ்சோ காப்பியில் சுடு தண்ணீர் கலந்து எஸ்பிரஸ்சோ போன்ற திடத்துடன் வேறு புதிய நறுமணத்துடன் கபே அமெரிக்கானா தயாரிக்கப்படுகிறது. எஸ்பிரஸ்சோ சேர்க்கப்படும் அளவைப் பொறுத்து கபே அமெரிக்கானாவின் திடம் மாறுபடும்.
  

வெள்ளைக்காப்பி (Flat White)

• இது ஆஸ்திரேலியா மற்றும் நியூசிலாந்திலிருந்து தோன்றியது. நுண் நுரையுடனான சூடான பாலை எஸ்பிரஸ்சோவுடன் சேர்த்து தயாரிக்கப்படுகிறது.

கபே லேட்டே (Caffe Latte)

• பாலும் காப்பி வடிநீரையும் கலந்து செய்யப்படுவதற்கு இத்தாலி மொழியில் கபே லேட்டே என்று அழைக்கப்படுகிறது. இது பாலும் காப்பியும் 1:1 விகிதத்தில் கலந்து செய்யப்படுகிறது.

கபே பிரேவா (Cafe Breva)

• முழுமையான பாலுக்கு பதிலாக பாதியளவு பால் கொண்டு தயாரிக்கப்படும் காப்பி சூனோ ஆகும்.

கபே மோச்சா (Cafe Mocha)

• கபே மோச்சா கபே லேட்டேவிலிருந்து சிறிது வேறுபடும். இதில் சாக்லேட் சிரப் அல்லது சாக்கலேட் பொடி கலந்து செய்யப்படுகிறது. இதில் அடர்த்தியான சாக்லேட் அல்லது பால் கலந்த சாக்கலேட் சேர்க்கப்படுகிறது.

சென்னை பில்டர் காப்பி (Indian (Madras) Filter Coffee)

• நன்றாக வறுக்கப்பட்ட காப்பி கொட்டைகள்(70 – 80 %) மற்றும் சிக்கரி(20-30%) சேர்த்து தயாரிக்கப்படும் இனிப்பான காப்பியாகும். இது 3:1 (பால்:காப்பி) என்ற விகிதத்தில் தயாரிக்கப்படுகிறது.

பிராட்பே (Frappe)

• லத்தின் அமெரிக்கா மற்றும் ஐரோப்பிய புகழ் நாடுகளில் கோடை கால பானமாக மிகவும் பிரசித்திப் பெற்றது. முன்னர் குளிர்ந்த எஸ்பிரஸ்சோவாக வழங்கப்பட்ட இப்பானம் தற்போது 1-2 தேக்கரண்டி காப்பி பொடி, சர்க்கரை, தண்ணீர் மற்றும் ஐஸ் கொண்டு தயாரிக்கப்படுகிறது.

கபே லேட்டோ பிரட்டோ (Cafe Latte Freddo)

• இது குளிர்விக்கப்பட்ட காப்பியாகும். எஸ்பிரஸ்சோ குளிர்ந்த பாலுடன் கலந்து நன்றாக நுரை வருமாறு ஆட்டப்பட்டு பரிமாறப்படும்.

காப்பிசுனோ (Cappucino)

• காப்பிசுனோ சூடான பால், எஸ்பிரஸ்சோ மற்றும் நுரைத்த பால் சேர்த்து தயாரிக்கப்படுகிறது.

வியன்னா காப்பி (Vienna Coffee)

• பாரம்பரியமாக பாலேட்டைக் கொண்டு தயாரிக்கப்படும் காப்பிக்கு வியன்னா காப்பி என்று அழைக்கப்படும். இதில் எஸ்பிரஸ்சோ ஊற்றி அதன்மேல் நன்றாக அடிக்கப்பட்ட பாலேட்டை (பால் மற்றும் சர்க்கரைக்குப் பதில்) அலங்கரித்து அளிக்கப்படும்.சில சமயம் சாக்லேட் துகள்களும் அலங்கரிக்கப்படும். பாலேட்டைச் சேர்த்து காப்பி அருந்தப்படும்.

ஐரிஷ் காப்பி (Irish Coffee)

• ஐரிஷ் காப்பி, ஐரிஷ் விஷ்கி, கரும்பு சர்க்கரை நன்றாக கலந்து அடர்த்தியான பாலேடு மேலே அலங்கரித்து பரிமாறப்படுகிறது. இதில் வெள்ளை சர்க்கரைக்குப் பதில் நாட்டுச்சர்க்கரை பயன்படுத்த வேண்டும்.

லிக்கர் காப்பி (Liqueur Coffee)

• இது மது சேர்த்து அளிக்கப்படும் காப்பியாகும். இது பிரத்யேகமான மது கோப்பையில் பாலேடு மற்றும் சர்க்கரை கலந்து பரிமாறப்படும்.

டர்கிஷ் காப்பி (Turkish Coffee)

• டர்கிஷ் காப்பி நன்றாக வறுத்துப் பொடிக்கப்பட்ட, காப்பிப்பொடியை பாத்திரத்தில் சர்க்கரை சேர்த்து (தேவைக்கு ஏற்ப) கொதிக்க விட வேண்டும். பொடி கீழே கோப்பைகளில் படிந்து விடும். இது மத்திய கிழக்கு நாடுகள் மற்றும் வட ஆப்ரிக்காவில் புகழ் பெற்ற பானமாகும்.

காப்பி பாம்பன் (Coffee Bombon)

• வேலென்சியா, ஸ்பெய்னிலிருந்து மற்ற நாடுகளுக்கும் பரவியது. இது எஸ்பிரஸ்சோ மற்றும் குறுக்கிய பால் 1:1 என்ற விகிதத்தில் கலந்து பரிமாறப்படும்.

மாச்சியாட்டோ (Macch iato)

• மாச்சியாட்டோ, எஸ்பிரஸ்சோ காப்பியில் சிறிது நுரைத்த பாலைச் சேர்த்து தயாரிக்கப்படுகிறது. பார்ப்பதற்கு சிறிய காப்பிசினோ போன்றிருக்கும்.

உடனடி காப்பி (Instant Coffee)

• காப்பி திரவம் உலர வைக்கப்பட்டு துகள்களாக ஆக்கப்படும். அது சுடுநீர் சேர்த்து மீண்டும் திரவமாக மாற்றப்பட்டு அளிக்கப்படும்.