வேளாண்மை பயிர்களின் பூச்சி மேலாண்மை
	தோட்டக்கலைப் பயிர்களின் பூச்சி மேலாண்மை
	அங்கக சூழ்நிலை அமைப்பின் பூச்சி மேலாண்மை

வேளாண்மை பயிர்களின் பூச்சி மேலாண்மை

நெல்	பருத்தி	கரும்பு	பச்சைப்பயிறு	துவரை	உளுந்து	கம்பு	சோளம்

நெல்லில் பூச்சிகள் :

பச்சை தத்துப்பூச்சி:
மேலாண்மை:

• ஐ. ஆர் 50, சி ஆர் 1009, கோ 46, பட்டாம்பி 2 மற்றும் 18 போன்ற எதிர்ப்புத்திறனுள்ள இரகங்களைப் பயன்படுத்துதல்.
• விளக்குக் கம்பத்தின் அருகில் நாற்றாங்கால் அமைப்பதை தடுத்தல்.
• 20 சென்ட் நாற்றாங்காலுக்கு 12.5 கிலோ வேப்பபுண்ணாக்கினை இட வேண்டும்.
• நாற்று நட்ட நாள் முதல் , 3 நாட்கள் வரை 2.5 சென்டி மீட்டர் அளவு நீரானது இருக்குமாறு பாதுகாக்க வேண்டும்.

பழுப்புஇலை தத்துப்பூச்சி:
மேலாண்மை:

• பட்டாம்பி 33 &  21 , பையூர் 3 , கோ 42, ஆஷா, திவ்யா, அருணா, கர்நாடகா, கார்த்திகா, கிருஷ்ண வேணி போன்ற  எதிர்ப்புத்திறனுள்ள இரகங்களைப் பயன்படுத்துதல்.
• நடவு வயலில் ஒவ்வொரு 2.5 மீட்டர் அகலத்திற்கு 30 சென்டி மீட்டர் இடைவெளி விடுதல்.
• தேவைக்கேற்ப நீர் பாய்ச்சுதல்.
• விளக்குப் பொறி வைத்து பூச்சிகளின் நடமாட்டத்தைக் கட்டுப்படுத்துதல்.
• 5 சதவிகித வேப்பங்கொட்டைச் சாறு (25 கிலோ / ஹெக்டர்) அல்லது 2 சதவிகித வேப்பஎண்ணெய் (10 லிட்டர் / ஹெக்டர்) தெளித்தல்.

வெண் முதுகு தத்துப் பூச்சி :
மேலாண்மை :

முட்டை ஒட்டுண்ணியான , அனாகிரஸ் எனும் பூச்சியின் முதிர்பூச்சி மற்றும் இளங்குஞ்சுகளை வயலில் விடுவிக்கலாம்.

மாவுப் பூச்சி:
மேலாண்மை:

• நாற்று நடுவதற்கு முன்பாக வரப்புகளில் உள்ள புற்களையும், களைகளையும் அகற்ற வேண்டும்.
• தாக்கப்பட்ட பயிர்களையும் சேர்த்து அழிக்க வேண்டும்.

நெல் கருநாவாய்ப் பூச்சி:
மேலாண்மை:

• களைகள் இல்லாமல் நிலத்தினைப் பாதுகாக்க வேண்டும்.
• தேவைக்கு அதிகமான நீரை அகற்ற வேண்டும்.
• விளக்குப் பொறி வைத்து பூச்சிகளின் நடமாட்டத்தைக் கட்டுப்படுத்துதல்.
• கருநாவாய்ப் பூச்சிகளை, வாத்துகளை  நாற்றுகளில் விடுவதன் மூலம் கட்டுப்படுத்துதல்.

கதிர் கருநிற நாவாய்ப் பூச்சி:
மேலாண்மை:

• வேப்பங்கொட்டைச் சாறு 5 சதம்.
• நொச்சி இலைப் பொடியின் சாறு 5 சதம்.

நெல் தண்டுதுளைப்பான்:
மேலாண்மை:

• ரத்னா, ஜெயா, டி.கே.எம் 6 , ஐ. ஆர் 20 & 26 போன்ற எதிர்ப்புத்திறனுள்ள இரகங்களைப் பயிரிடுதல்.
• நாற்றுப் பறித்து நடவு செய்வதற்கு முன் நாற்றின் நுனியை கிள்ளி எடுத்தல் வேண்டும். இதனால் பூச்சிகளின் முட்டைகளையும் அகற்றலாம்.
• முட்டைகளை சேகரித்து அழித்தல்.
• பாதிக்கப்பட்ட கொத்தினை பிடுங்கி அழித்தல்.
• டிரைக்கோகிரம்மா ஜப்பானிக்கம் என்ற ஒட்டுண்ணியை 5 மிலி / ஹெக்டர் என்ற அளவில் 30 வது மற்றும் 37 வது நாட்களில் விட வேண்டும்.

ஆணைக் கொம்பன்  ஈ :

• எதிர்ப்பு திறன் கொண்ட பயிர் வகைகளான சக்தி , விக்ரம், சுரேகா , எம்.டி.யூ -3 ஆகியவற்றை உபயோகிக்கலாம்.
• அறுவடை செய்தவுடனேயே நிலத்தை உழ வேண்டும்.
• குறைந்த காலத்தில் முதிர்ச்சி அடையக்கூடிய பயிர்களை தேர்வு செய்தல் நன்று.
• அகச் சிவப்புக் கதிர் விளக்கப் பொறி , ஆணைக் கொம்பன் ஈக்களை கவரக் கூடியவை.
• புழுப் பருவ ஒட்டுண்ணியை (பிளாட்டிகாஸ்டர் ஒலைசே) நாற்று நடவு செய்த 10 நாட்களுக்குப் பின்னர் 10 X 10 மீட்டர் அளவு நிலத்திற்கு ஒரு ஒட்டுண்ணி என்ற கணக்கில் வயலில் விடுவிக்கவும்.
• நன்மை பயக்கும் பூச்சியான தரைவண்டு (கராபிட்) ஆணைக் கொம்பன் ஈக்களை உணவாக உட்கொள்ளும்.
• எட்டுக்கால் பூச்சிகளை வயல்களில் பயன்படுத்தலாம்.

கூட்டமாக வாழும் புழு :

• புழுப் பருவ ஒட்டுண்ணிகளை உபயோகிக்கலாம். எ.டு. மெட்டியோரஸ் , சாரோபஸ் பைக்காலர், அபான்டலஸ் , டாக்கினியா , கீலோனஸ்
• நாற்றங்காலில்  நீர் பாய்ச்சி , நீரை தேக்கினால் , மண்ணில் புதைந்துள்ள முட்டைகள் மேலே மிதந்து வரும். அவ்வாறு வரும் முட்டைகளை, பறவைகள் கொத்தித் திண்று விடும்.
• மண்ணெணையை நீரில் கலந்து நீர்ப்பாசனம் செய்வதினால்ஈ புழுக்கள் சுவாசிக்க வழியின்றி அழிந்து விடும்.
• வாத்துக்களை பூச்சி உண்ண வயல்களில் அனுமதிக்கலாம்.

கதிர் கூண்டுப்புழு :
மேலாண்மை:

• எதிர்ப்புதிறன் கொண்ட பயிர் வகைகளான , காவேரி , டி.ஏன்.ஏ.யூ எல். எஃப்.ஆர் 831 311 , ஆகாஷி, டிகே.எம்-6 , ஜ.ஈ.டி751 , ஜ.ஈ.டி 9225, ஜ.ஈ.டி 9797 ஆகியவற்றை பயன்னடுத்தலாம்.
• பாதிக்கப் பட்ட இலைகளை கிள்ளி எரிதல் வேண்டும்
• வரப்புகளை புற்களின்றி சுத்தமாக வைத்தல் அவசியம்.
• அதிகப்படியான தழைச் சத்து உரத்தின் பயன்படுத்தாமலிருப்பது நல்லது.
• வேப்பங் கொட்டை சாற்றிளை பயன்படுத்தலாம்
• டிரைக்கோகிராமா கிலோனிஸ் எனும் ஒட்டுண்ணியை நாற்றுநட்ட 37, 44,57 நாட்களுக்கு பிறகு வயலில் விடுவிக்கலாம். பின்னர் மூன்று முறை மோனோகிரோடோபஸ் எனும் பூச்சி கொல்லியை 58 , 65 , 72 ஆம் நாள் தெளிக்க வேண்டும்.

வெட்டுக் கிளி :
மேலாண்மை

• நிலத்தை உழுவதன் மூலம் , மண்ணில் புதைந்நுள்ள பூச்சி முட்டைகளை வெளியே கொண்டு வரலாம். இவற்றை பறவைகள் கொத்தி தின்றுவிடும்.
• உயிரியல் முறை கட்டுப்பாட்டு காரணிகளான காக்கலஸ், பாரிக்கோமஸ் , சீலியோ போன்ற முட்டை ஒட்டுண்ணியை பயன்படுத்தலாம்.

முள்ளுவண்டு
மேலாண்மை :

• வெளிறிய பரப்பு கொண்ட இலை நுணிகள் கிள்ளி எறியப் பட வேண்டும்.
• வண்டுகளை சிறிய வலைகளைக் கொண்டு பிடித்து அழிக்கலாம்.

நெல்லின் ஒருங்கிணைந்த பூச்சி மேலாண்மை:
A. சாகுபடி முறை:

• அறுவடைக்குப் பின் நிலத்தில் உள்ள தாள்களை அகற்றவும்.
• களைகள் நிலத்தில் இல்லாமல் பாதுகாக்க வேண்டும்.
• எலிகளின் சேதத்தை கட்டுப்படுத்த, படுக்கினை சிறியதாகவும் , அகலம் குறைந்ததாகவும் இருத்தல் வேண்டும்.
• எதிர்ப்புத்திறனுள்ள இரகங்களைப் பயன்படுத்துதல்.
• வடிகால் வாய்க்கால்களை அமைத்து பூச்சியினை கட்டுப்படுத்துதல்.
• தேவைக்கு அதிகமான உரத்தின் பயன்பாட்டைத் தவிர்த்தல்.

இயந்திர முறைகள்:

• எலி வங்குகளை அழிந்திட வேண்டும்.
• விளக்குப் பொறியை வைத்து பூச்சிகளை அழிக்கலாம்.
• எலிப் பொறிகளை உபயோகப் படுத்தலாம்.

உயிரியல் முறைகள்:

• டிரைக்கோகிரம்மா ஜப்பானிக்கம் என்ற ஒட்டுண்ணியை 5 மிலி / ஹெக்டர் என்ற அளவில் 30 வது மற்றும் 37 வது நாட்களில் விடுவதால் தட்டுத்துளைப்பானை கட்டுப்படுத்தலாம்.
• டிரைக்கோகிரம்மா சில்லோனிஸ் என்ற ஒட்டுண்ணியை 5 மிலி / ஹெக்டர் என்ற அளவில் 37வது, 44வது மற்றும் 51 வது நாட்களில் விடுவதால் இலைப்புழுவினை கட்டுப்படுத்தலாம்.

தாவர பொருட்கள்:

• வேப்பங்கொட்டைச் சாறு கரைசல் 5 சதம் ( 25 கிலோ / ஹெக்டர்) வேப்ப எண்ணெய் 3 சதம் ( 15 கிலோ / ஹெக்டர்) என்ற அளவில் தெளிக்கும் போது பழுப்பு தத்துப்பூச்சியினைக் கட்டுப்படுத்தலாம்.
• தாவர பொடிகளான வேப்பங்கொட்டைப் பொடி, நொச்சி , புரோஸோபிஸ் போன்றவற்றினை 5 சதம்  என்ற அளவில் தெளிக்கும் போது கதிர் நாவாய்ப் பூச்சி மற்றும் கருநாவாய்ப் பூச்சியினைக் கட்டுப்படுத்தலாம்.

பருத்தியில் பூச்சி மேலாண்மை:
இலை தத்துப் பூச்சி:

மேலாண்மை:

• எம். சி. யூ 3, எம். சி. யூ 5  மற்றும் எம். சி. யூ 9 போன்ற எதிர்ப்புத்திறனுள்ள இரகங்களைப் பயிரிடுதல்.
• விளக்குப் பொறி வைத்து பூச்சிகளைக் கவர்ந்து அழித்தல்.
• கிரைசோபா கமீனா என்ற ஒட்டுண்ணியை விடுதல்.
• மழை அதிகமாகப் பெய்யும் காலங்களில், பூச்சிகளின் தாக்கத்தைக் குறைக்க காலத்திற்கு முன்னதாக மற்றும் பருத்திகளின் இடைவெளியைக் குறைத்தும் பயிரிட வேண்டும்.

பருத்தி அசுவுணி:
மேலாண்மை:

• உயிரியல் முறை கட்டுப்பாட்டுக் காரணிகளான பொறி வண்டுகளை விடுதல்.
• ஒட்டுண்ணி : ஃபைலோகோமஸ் டிரிஸ்டிஸ்

இலைப் பேன்:
மேலாண்மை:

• சாறு உறிஞ்சும் பூச்சிகளின் இளம் குஞ்சுகள் மற்றும் முதிர் பூச்சிகள் போன்றவற்றை நடவு நட்ட 14 வது நாட்களில் கட்டுப்படுத்துதல்.

பருத்தி செந்நாவாய்ப்பூச்சி:
மேலாண்மை:

• உயிரியல் முறை கட்டுப்பாட்டுக் காரணிகளான ஹெர்ஃபாக்டர் காஸ்டலிஸை விடுதல்.

கரும்பில் பூச்சிகள்:
நுனிகுருத்துப் புழு:
மேலாண்மை:

• கோ 312, கோ 421, கோ 661, கோ 917 மற்றும் கோ 853 போன்ற எதிர்ப்புத்திறனுள்ள இரகங்களைப் பயிரிடுதல்.
• நடவு : டிசம்பர் – ஜனவரி
• இடைப்பயிர் (ஊடுபயிர்) : தக்கைப் பூண்டு
• தேவையான நீர்ப் பாசனம்.
• காய்ந்த நடுக்குருத்தினை எடுத்து அழித்தல்.
• ஸ்டம்பியோப்சிஸ் இன்பரன்ஸ் என்ற ஒட்டுண்ணியை ஹெக்டருக்கு 125 (பெண்) என்ற எண்ணிக்கையில் வயலில் விடவும்.

இடைகணுப் புழு:
மேலாண்மை:

• எதிர்ப்புத்திறனுள்ள இரகங்கள்: கோ 975, கோ 7304, மற்றும் கோ 46
• முட்டைகளை சேகரித்து அழித்தல்
• சோகை உரிப்பு : 150 மற்றும் 210 வது நாட்களில்
• தேவைக்கு அதிகமான உர பயன்பாட்டைத் தவிர்த்தல்.
• முட்டைகளைத் தாக்கும் டிரைக்கோகிரம்மா கைலோனிஸ் ஒட்டுண்ணியை 15 நாட்களுக்கு ஒரு முறை நட்ட 4 ம் மாதத்திலிருந்து 6 முறை ஹெக்டருக்கு 2.5 சிசி என்ற அளவில் பயன்படுத்துதல்.

மேல் தண்டுதுளைப்பான்:
மேலாண்மை:

• எதிர்ப்புத்திறனுள்ள இரகங்கள்: கோ 419, கோ 745, மற்றும் கோ 6516
• தாங்கும் திறனுள்ள இரகங்கள்: கோ 859, கோ 1158, மற்றும் கோ 7224
• முட்டைகளை சேகரித்து அழித்தல்
• முட்டை ஒட்டுண்ணி: டிரைக்கோகிரம்மா மைனூட்டம்
• புழுப் பருவ ஒட்டுண்ணி: கொனியோகஸ் இன்டிகஸ்
• கூட்டுப்புழு ஒட்டுண்ணி: டெட்ராடிக்கஸ் அய்யாரி

பச்சைப் பயிரில் பூச்சிகள்:
கடலைப் புழு:
மேலாண்மை:

• 12 இனக் கவர்ச்சிப் பொறி  / ஹெக்டர்
• 50 பறவைக் கூடுகள்  / ஹெக்டர்
• வேப்பங்கொட்டைச் சாறு கரைசல் 5 சதத்தினை வேப்ப எண்ணெய்யினை  ( 12.5 லிட்டர் / ஹெக்டர்) தெளித்தவுடன் தெளித்தல்.

சேமிப்பில் தாக்கும் பயிறு வண்டு:
மேலாண்மை:

• ஈரப்பதம் 10 சதவீதம்  இருக்குமாறு விதைகளை காயவைத்தல்.
• 100 கிராம் விதைக்கு தமிழ்நாடு வேளாண்மைப் பல்கலைக் கழகத்தின் வேப்ப எண்ணெய் 1 லிட்டர், புங்க (Pungam) எண்ணெய் 1 லிட்டர் என்ற அளவில் எடுத்து, கலந்து தெளித்தல் வேண்டும்.
• சேமிப்பின் போது பாலித்தீன் பைகளில் போட்டு வைக்க வேண்டும்.

துவரையில் பூச்சிகள்:
காய் துளைப்பான்:
மேலாண்மை:

• 12 ஹெலிக்கோவர்பா அர்மிஜிரா என்ற இனக்கவர்ச்சி பொறியை ஒரு ஹெக்டருக்கு வைத்தல் வேண்டும்.
• 50 பறவைக் கூடுகளை  ஒரு ஹெக்டருக்கு வைத்தல் வேண்டும்.
• வேப்பங்கொட்டைச் சாறு கரைசல் 5 சதம்
• வேப்ப எண்ணெய் 2 சதம்

உளுந்தில் பூச்சிகள்:
புகையிலை இலை வெட்டும் புழு:
மேலாண்மை:

• விளக்குப் பொறி வைத்து இலை வெட்டும் புழுக்களை அழித்தல் வேண்டும். (அல்லது) 12 இனக்கவர்ச்சி பொறியை ஒரு ஹெக்டருக்கு வைத்து புழுக்களை அழித்தல் வேண்டும்.
• பயிர் நிலங்களைச் சுற்றிலும் ஆமணக்கினை பயிரிடுதல் மூலம் பூச்சிகள் கட்டுப்படுத்தப்படுகிறது.
• நச்சுயிரிக் கலவை 1.5 x 10 12 கிருமிகள்.
• நச்சுயிரிக் கலவையை மாலை வேளையில் தெளிக்கவும்.
• கீழ்காணும் பொருட்களைக் கொண்டு ஒரு ஹெக்டருக்கு நச்சு உணவு தயாரித்து மாலை வேளையில் வயலில் வைத்து வளர்ந்த புழுக்களை அழிக்கவும்.
• அரிசி தவிடு   12.5 கி.கி
• வெல்லம்        1.25 கி.கி
• கார்பரில் 50 நனையும் தூள் – 1.25 கி.கி
• தண்ணீர் 7.5 லிட்டர்

சேமிப்பில் தாக்கும் பயிறு வண்டு:
மேலாண்மை:

• விதையளவு 10 சதம் ஈரப்பதத்திற்கு உலர்த்திய பின்னர் சேமிக்கவும்.
• குழிப்பொறி (அல்லது) தமிழ்நாடு வேளாண்மைப் பல்கலைக் கழகம் இரண்டும் ஒன்றில் வகை கவர்ச்சிப் பொறியை வைத்து வயல்களிலிருந்து தொற்றி வந்து வண்டுகளை கண்காணித்து, அதற்கேற்ப விதைகளை காயவைப்பதன் மூலம் முட்டைகளை அழிக்கலாம்.
• விதைகளை பாலித்தீன் உள்ளுறை கொண்ட காக்கும் பைகளில் சேமிக்கவும்.

கம்புகளில் பூச்சிகள்
தண்டு துளைப்பான்
மேலாண்மை:

• அறுவடை செய்தவுடன் நிலத்தை உழ வேண்டும் மற்றும் பயிரின் தண்டுகளை சேகரித்து அழிக்கவும்.
• கருவாட்டுப் பொறியை வைத்து அழிக்கவும்.

சோளத்தில் பூச்சிகள்
குருத்து ஈ
மேலாண்மை:

• கோ 1, அஹாரி என்ற எதிர்ப்புத்திறனுள்ள இரகங்களைப் பயன்படுத்துதல்.
• பருவ மழை பெய்தவுடன் சோளம் விதைப்பு செய்து குருத்து ஈ தாக்குதலைக் குறைக்கலாம்.
• அறுவடைக்கு பின் நிலத்தை உழவு செய்ய வேண்டும் மற்றும் பயிரின் தண்டுகளை சேகரித்து அழிக்க வேண்டும்.
• ஒரு எக்டருக்கு 12 கருவாட்டுப் பொறியை வைக்க வேண்டும். இதனை பயிரின் வயது 30 நாள் ஆகும் ஆகும் வரை வயலில் வைத்து ஈக்களைக் கவர்ந்து அழிக்கவும்.

தண்டு துளைப்பான்
மேலாண்மை:

• அவரை அல்லது தட்டைப்பயிரை, சோளத்துடன் 4:1 என்ற விகிதத்தில் ஊடுபயிராக விதைப்பு செய்து தண்டு துளைப்பானை தவிர்க்கலாம்.
• விளக்குப் பொறியை நடு இரவு வரை வைத்து பூச்சிகளை கவர்ந்து அழிக்கவும்.
• உயிரியல் முறைகள் கட்டுப்பாட்டு காரணிகளான டிரைக்கோகிரம்மா மைனூட்டம் , ஃபிரக்கான் சைன்னாஸிஸ் (முட்டையைத்தாக்கும் ஒட்டுண்ணிகள்) மற்றும் மைக்ரோ ஃபிரக்கான் சில்லோசிடா புழுப் பருவ ஒட்டுண்ணிகள்)  போன்றவற்றை நடவு வயலில் வைக்கவும்.

இளஞ்சிவப்பு தண்டுப் புழு
மேலாண்மை

• டிரைக்கோகிரம்மா மைனூட்டம் என்ற முட்டையைத்தாக்கும் ஒட்டுண்ணியை வைக்கவும்.
• புழுப் பருவ ஒட்டுண்ணி : அபான்டிலஸ் ஃபிலாப்ஸ் , ஃபிரக்கான் டிரைன்னன்ஸிஸ்
• கூட்டுப்புழு ஒட்டுண்ணி: டெட்ராடிக்கஸ் அய்யாரி

தானிய ஈ
மேலாண்மை

• விளக்குப் பொறியை நடு இரவு வரை வைத்து தானிய ஈ மற்றும் கதிர்ப்புழு போன்ற பூச்சிகளை கவர்ந்து அழிக்கவும்.

குருத்து நாவாய்ப் பூச்சி
மேலாண்மை

• முட்டையைத்தாக்கும் ஒட்டுண்ணிகள் :  பேராங்கரஸ் ஆட்டாபிலிஸ்,

    ஆக்டிடிராஸ்டிக்கஸ் இன்டிகஸ்

• ஊண் விழுங்குதல் :  கோச்சினில்லினா செப்படம்புண்டோடா, ஜியோகோரிஸ் டிரைக்கோலர்

கதிர் நாவாய்ப் புழு
மேலாண்மை

• விளக்குப் பொறியை நடு இரவு வரை வைத்து பூச்சிகளை கவர்ந்து அழிக்கவும்.
• ஒரு எக்டருக்கு 12 இனக் கவர்ச்சிப் பொறியை வைத்து கதிர் புழுவின் ஆண் அந்திப்பூச்சிகளை கதிர் வரும் பருவத்திலிருந்து தானிய முறை வரை கவர்ந்து அழிக்கவும்.
• என்.பி.வி , நச்சுயிரி 1.5 x 10 12 நச்சுயிரி கிருமிகள் , 2.5 கிலோ வெல்லம், 250 கிராம் பருத்தி பருத்தி விதைத்தூள் கலந்து 10 நாள் இடைவெளியில் 2 முறை  கதிர் வரும் பருவத்தில் தெளிக்கவும்.